پی ٹی آئی سندھ کے صدر حلیم عادل شیخ کی وفد کے ہمراہ اسد قیصر سے اہم ملاقات

ملاقات کی تفصیلات

اسلام آباد (ڈیلی پاکستان آن لائن) پاکستان تحریک انصاف کے سینئر رہنما اور سابق سپیکر قومی اسمبلی اسد قیصر سے پی ٹی آئی سندھ کے صدر حلیم عادل شیخ نے اسلام آباد میں ملاقات کی۔ ملاقات میں ملک کی مجموعی سیاسی صورتحال، تحریک انصاف کو درپیش چیلنجز، آئینی و جمہوری امور اور سندھ کی ابتر سیاسی و انتظامی صورتِ حال پر تفصیلی تبادلۂ خیال کیا گیا۔

یہ بھی پڑھیں: اگر نیلم جہلم منصوبے کو نقصان پہنچتا تو کتنی تباہی ہوتی۔۔۔؟ چیئرمین واپڈا نے اہم تفصیلات شیئر کر دیں۔

پی ٹی آئی سندھ وفد کی شرکت

ملاقات میں پی ٹی آئی سندھ کے وفد میں آفتاب جہانگیر، مشتاق جونیجو، سربلند خان، ولید ہاشمی سمیت دیگر رہنما بھی شریک تھے۔ وفد نے صوبے میں تنظیمی ڈھانچے، کارکنان کے مسائل، پارٹی کی موجودہ سرگرمیوں اور عوامی رابطہ مہم سے متعلق بریفنگ دی۔

یہ بھی پڑھیں: فیلڈ مارشل عاصم منیر سے مصری وزیر خارجہ کی ملاقات، دفاعی تعاون بڑھانے کا عزم

دورے کی دعوت

حلیم عادل شیخ نے اسد قیصر کو سندھ کے تفصیلی دورے کی دعوت دی، تاکہ وہ صوبے کے مختلف اضلاع میں پارٹی رہنماؤں، کارکنان اور تنظیمی ونگز سے ملاقات کر سکیں۔ اسد قیصر نے دورے کی دعوت قبول کرتے ہوئے جلد سندھ آنے کی یقین دہانی کرائی اور کہا کہ صوبے میں پارٹی کی موجودگی اور فعالیت کو مزید مضبوط بنایا جائے گا۔

یہ بھی پڑھیں: اوکاڑہ کا ریلوے اسٹیشن اور شہر عام نوعیت کے ہیں، تھوڑا سا آگے کسان نام کا چھوٹا اور غیر اہم سا اسٹیشن آتا ہے، جس کے آس پاس پھلوں کے باغات ہیں

آئین کے تحفظ کے حوالے سے مشاورت

ملاقات میں تحریکِ تحفظِ آئین پاکستان کے حوالے سے بھی اہم مشاورت ہوئی۔ رہنماؤں نے اس بات پر اتفاق کیا کہ سندھ میں اس تحریک کو عوام تک زیادہ موثر انداز میں پہنچایا جائے، اس کے دائرہ کار کو وسیع کیا جائے، اور آئین کی بالادستی، جمہوری حقوق کے تحفظ اور شفافیت کی جدوجہد کو مزید تیز کیا جائے۔

یہ بھی پڑھیں: مودی بیٹا تم نے بھارت کے منہ سے سیکولرازم کا نقاب اٹھا کر اچھا کیا، فاروق ستار

پیپلز پارٹی کی کارکردگی پر تنقید

اس موقع پر اسد قیصر نے کہا کہ پیپلز پارٹی کی طویل حکمرانی نے سندھ کو تباہی کے دہانے پر پہنچا دیا ہے۔ صوبے کے عوام آج بھی بنیادی سہولیات سے محروم ہیں، کراچی سمیت سندھ بھر میں انفراسٹرکچر تباہ ہوچکا ہے اور لوگ صاف پانی، نکاسیٔ آب اور صحت جیسی بنیادی ضرورتوں کے لیے ترس رہے ہیں۔ سندھ کے عوام پی ٹی آئی کی جانب دیکھ رہے ہیں اور جلد ہی انہیں پیپلز پارٹی کی کرپشن اور بدانتظامی سے نجات دلائی جائے گی۔

یہ بھی پڑھیں: پہلے گیند بازی کرنے والی ٹیم کو مدد ملے گی، سپنرز کے لیے پچ ساز گار ہے، پچ رپورٹ سامنے آگئی

این ایف سی ایوارڈ اور وسائل کی غیر منصفانہ تقسیم

پی ٹی آئی سندھ کے صدر حلیم عادل شیخ نے کہا کہ سندھ کو ملنے والا این ایف سی ایوارڈ بھی عوام تک نہیں پہنچتا اور پی ایف سی پر صوبے میں عملدرآمد نہیں کیا جاتا۔ انہوں نے بتایا کہ گزشتہ 17 سال میں پیپلز پارٹی کو 3 ہزار ارب روپے سے زائد کے فنڈز ملے، لیکن کراچی کے گٹر کے ڈھکن تک درست نہیں کیے گئے۔ کراچی ملک کو 65 فیصد ریونیو دیتا ہے، مگر بنیادی سہولیات سے محروم ہے اور شہر کا انفرااسٹرکچر مسلسل تباہی کا شکار ہے، جس کی مکمل ذمہ دار پیپلز پارٹی ہے۔

یہ بھی پڑھیں: الیکشن کمیشن کی سیاسی جماعتوں کو گوشوارے 29 اگست تک جمع کرانے کی ہدایت

سندھ میں گورننس کی بدحالی

حلیم عادل شیخ نے مزید کہا کہ کراچی سے پی ٹی آئی کی 22 قومی اسمبلی کی نشستیں چھینی گئیں اور عوام کے مینڈیٹ پر ڈاکہ ڈالا گیا۔ سندھ میں گورننس کی صورتحال انتہائی تشویشناک ہے—معصوم بچے کھلے گٹروں میں گر کر جان سے جا رہے ہیں، سڑکیں تباہ ہیں، صحت اور تعلیم کا نظام مکمل طور پر ناکام ہوچکا ہے اور ستر لاکھ سے زائد بچے آج بھی تعلیم سے محروم ہیں۔

پی ٹی آئی کے عزم کا اعادہ

دونوں رہنماؤں نے اس عزم کا اظہار کیا کہ پاکستان تحریک انصاف ملک بھر میں اپنی سیاسی، تنظیمی اور عوامی جدوجہد کو مزید فعال انداز میں جاری رکھے گی اور سندھ میں عوام کے حقوق، قانون کی حکمرانی اور جمہوری اقدار کے تحفظ کے لیے بھرپور کردار ادا کیا جائے گا۔