پنجاب میں طلاق کیسز میں خطرناک حد تک اضافہ، لاہور 21ہزار کیسز کے ساتھ سر فہرست

پنجاب میں طلاق کی شرح

لاہور (ڈیلی پاکستان آن لائن) پنجاب میں ایک سال میں پونے 2 لاکھ سے زائد طلاق کے سرٹیفکیٹس جاری ہوئے۔ دستاویز کے مطابق شہری علاقوں میں طلاق کی شرح دیہی علاقوں سے زیادہ ہے، لاہور طلاق کے کیسز میں سب سے آگے، 21 ہزار سے زائد سرٹیفکیٹس جاری ہوئے۔

یہ بھی پڑھیں: امارات: سوشل میڈیا پر ملکی سلامتی کو نقصان پہنچانے کے الزامات پر پاکستانیوں سمیت 25 افراد گرفتار

اہم شہر اور ان کی طلاق کی شرح

فیصل آباد میں 14 ہزار سے زائد، شیخوپورہ میں 11 ہزار سے زائد طلاق سرٹیفکیٹس جاری ہوئے۔ پبلک نیوز کو حاصل سرکاری رپورٹ کے مطابق راولپنڈی میں 10 ہزار سے زائد طلاق کیسز رپورٹ ہوئے۔

یہ بھی پڑھیں: خواجہ اعجاز سرور کی یاد میں انفارمیشن سروسز اکیڈمی اسلام آباد میں تعزیتی ریفرنس کا انعقاد

دیگر علاقوں کی صورتحال

گوجرانوالہ، گجرات اور سیالکوٹ میں 8 ہزار سے زائد طلاق سرٹیفکیٹس جاری ہوئے۔ قصور میں 5 ہزار سے زائد ساہیوال اور اوکاڑہ میں 4 ہزار سے زائد کیسز رپورٹ ہوئے۔

یہ بھی پڑھیں: راولپنڈی؛ شہری کو قتل کر کے لاش کنویں میں پھینکنے والا اشتہاری گرفتار

اضافی معلومات

دستاویز کے مطابق خانیوال، منڈی بہاؤالدین اور وہاڑی میں بھی ہزاروں طلاق سرٹیفکیٹس جاری ہوئے۔ ننکانہ صاحب اور خوشاب میں بھی طلاق کیسز میں نمایاں اضافہ ہوا ہے۔ چنیوٹ، بھکر اور مظفرگڑھ میں بھی سینکڑوں طلاق کے کیسز سامنے آئے۔

دیہی اضلاع میں تشویشناک صورتحال

پنجاب کے دیہی اضلاع میں بھی طلاق کی شرح میں تشویشناک حد تک اضافہ دیکھنے میں آیا ہے۔