بھارت میں پائلٹس کا بحران پیدا ہو گیا، سینکڑوں پروازیں منسوخ

انڈیگو ایئر کی انتظامی غفلت

ممبئی (ڈیلی پاکستان آن لائن) بھارت میں انڈیگو ایئر کی انتظامی غفلت کے باعث پائلٹس کے اوقات کار کا تاحال تعین نہ ہو سکا جس کے باعث آج بھی سینکڑوں پروازیں منسوخ ہو گئیں۔

یہ بھی پڑھیں: پاکستانی پائلٹ کو گرفتار کرنے کا جھوٹا دعویٰ کرنے والی بھارتی معروف صحافی کو حامد میر کا کرارا جواب

پروازوں کی منسوخی کا سلسلہ

بھارتی میڈیا کے مطابق انڈیگو کے فلائٹ آپریشنز کی مشکلات کم ہونے کا نام نہیں لے رہیں اور بحران کے پانچویں روز بھی ملک بھر کی سینکڑوں مقامی پروازیں پائلٹس کی قلت کے باعث منسوخ کر دی گئیں۔

یہ بھی پڑھیں: ہوشیار :کراچی میں نیپا چورنگی سے وفاقی اردو یونیورسٹی تک سڑک کتنے دنوں تک بند رہے گی؟ جانیے

انڈیگو کی پروازوں کی تعداد

میڈیا رپورٹس کے مطابق بھارتی ائیر لائن 400 طیاروں کے ساتھ روزانہ کی بنیاد پر 2300 پروازیں آپریٹ کرتی ہے۔

یہ بھی پڑھیں: جال کہیں گہرا نہ ہوجائے۔۔۔

انتظامی ناکامیاں

بھارتی میڈیا رپورٹس کے مطابق انڈیگو میں پائلٹس کا بحران انتظامیہ کی جانب سے کسی قسم کی پلاننگ نا ہونے کے باعث ہوا، اور حکام کی جانب سے معاملے کو دیکھا جا رہا ہے۔

یہ بھی پڑھیں: اسلام آباد سمیت مختلف علاقوں میں گرج چمک کے ساتھ موسلادھار بارش کی پیشگوئی

مسافروں کی مشکلات

میڈیا رپورٹس کے مطابق نئی دہلی، ممبئی، پونے، بنگلورو، چنئی، حیدرآباد اور گجرات کے ائیرپورٹس سے 400 سے زائد پروازیں منسوخ ہو چکی ہیں جس کے باعث ہزاروں مسافروں کو شدید پریشانی کا سامنا کرنا پڑ رہا ہے۔

یہ بھی پڑھیں: لاہور میں سموگ کے ڈیرے ، آلودہ ترین شہروں میں پھر پہلے نمبر پر آ گیا

پائلٹس کے اوقات پر نئی پابندیاں

غیر ملکی خبررساں ایجنسی کے مطابق فضائی سفر کو مزید محفوظ بنانے کے لیے بھارتی حکام نے پائلٹس کے اوقات کار پر نئی پابندیاں عائد کی ہیں۔

انڈیگو ایئر لائن کی تیاری کی کمی

انڈیگو ائیر لائن نے اعتراف کیا ہے کہ وہ یکم نومبر کی ڈیڈلائن سے پہلے ان قواعد کے نفاذ کی مناسب تیاری نہیں کر سکی یوں دسمبر کے مصروف ٹریول سیزن کے آغاز سے قبل رواں ہفتے بڑے پیمانے پر پروازوں کی منسوخی ہوئی جس سے ہزاروں مسافر ائیرپورٹس پر پھنس کر رہ گئے۔