سلمان علی آغا کا سکواڈ میں تبدیلی اور بابراعظم کے بارے میں بڑا دعویٰ

کپتان کا بیان

لاہور (ڈیلی پاکستان آن لائن) کپتان قومی ٹی ٹوئنٹی ٹیم سلمان علی آغا نے کہا ہے کہ ورلڈکپ سے پہلے سکواڈ میں کوئی بڑی تبدیلی نہیں دیکھ رہا۔

یہ بھی پڑھیں: نیپرا نے نیشنل گرڈ کو بجلی فروخت کرنے کے ریٹس کم کر دیے

میچز اور آرام کا فیصلہ

سلمان علی آغا نے پی سی بی پوڈکاسٹ میں گفتگو کرتے ہوئے کہا کہ سال میں سب سے زیادہ 58-57 میچز کھیلے ہیں، اس لیے فی الوقت آرام کر رہا ہوں۔ جنوری سے اپریل تک بہت زیادہ کرکٹ ہے، اس لئے اپنے آپ کو ترو تازہ رکھنا چاہتا ہوں۔

یہ بھی پڑھیں: راولپنڈی: بانی پی ٹی آئی کے خلاف احتجاج کی منصوبہ بندی کا مقدمہ درج

لیگ کرکٹ کا فیصلہ

سلمان علی آغا کا کہنا ہے کہ لیگ کرکٹ نہ کھیلنے کا فیصلہ خود کیا ہے۔ انہوں نے کہا کہ میں ڈومیسٹک ون ڈے کپ کھیلوں گا۔ ان کا کہنا تھا کہ انٹرنیشنل کرکٹ میں پریشر زیادہ ہوتا ہے۔ ہمیں صحیح راستے پر گامزن ہونے کی امید ہے کہ جلد نمبر ون ٹیم بن جائیں گے۔

یہ بھی پڑھیں: ویان ملڈر نے برائن لارا کا 400 رنز کا ریکارڈ نہ توڑنے کی وجہ بتا دی

ورلڈکپ کی تیاری

انہوں نے کہا کہ پچھلے چھ ماہ سے ورلڈکپ کو مدنظر رکھ کر تیاری کر رہے ہیں۔ ہمیں وہ کمبینیشن مل گیا ہے جس کی ہمیں تلاش تھی۔ ان کا کہنا تھا کہ ورلڈکپ سے پہلے سکواڈ میں کوئی بڑی تبدیلی نہیں دیکھ رہا۔

یہ بھی پڑھیں: آپریشنل مسائل کے باعث مختلف ایئر لائنز کی 8 پروازیں منسوخ، 29 تاخیر کا شکار

کھلاڑیوں کی پرفارمنس

سلمان علی آغا نے کہا کہ ہم نے پچھلے چھ ماہ ان کھلاڑیوں کو آزمایا ہے اور ان کے رولز واضح کیے ہیں۔ ورلڈکپ سے پہلے چھ میچز میں ان ہی کھلاڑیوں کو موقع دینا چاہیے تاکہ کھلاڑی کو اعتماد ملے اور اچھی پرفارمنس آئے۔

یہ بھی پڑھیں: شیخوپورہ: 20 ہزار سے زائد غیرقانونی گندم کے تھیلے برآمد

بابر اعظم کے بارے میں

انہوں نے بابراعظم کے بارے میں بات کرتے ہوئے کہا کہ وہ میرے بہت اچھے دوست ہیں اور بابر اعظم کو کبھی سمجھانے کی ضرورت نہیں پڑی۔ بابر کو پتا ہوتا ہے کہ وہ کہاں غلط ہیں۔

یہ بھی پڑھیں: شہرِ قائد میں غیرقانونی فارن کرنسی کی خرید وفروخت اور حوالہ ہنڈی کا منظم نیٹ ورک پکڑا گیا

بابر اعظم کی کارکردگی

سلمان علی آغا نے کہا کہ بابر اعظم نے پچھلے سات آٹھ سالوں میں پاکستان کیلئے بہترین پرفارمنس دی ہے۔ آخری دو تین سالوں میں ان سے وہ پرفارمنس نہیں ہوئی جو فینز چاہتے تھے۔ بابر اعظم سب کی بات سنتے ہیں چاہے وہ جونیئر کھلاڑی بھی کیوں نہ ہو۔