انڈونیشیا کے صدر دو روزہ دورے پر پیر کو پاکستان پہنچیں گے

انڈونیشیا کے صدر کا دورہ پاکستان

اسلام آباد(ڈیلی پاکستان آن لائن) سفارتی ذرائع کے مطابق انڈونیشیا کے صدر دو روزہ دورے پر پیر کو پاکستان پہنچیں گے۔ انڈونیشین صدر وزیراعظم شہباز شریف کی دعوت پر پاکستان آ رہے ہیں۔

یہ بھی پڑھیں: پشاور: پولیس مقابلے میں انتہائی مطلوب ٹارگٹ کلرگینگ کے 5 کارندے سرغنہ سمیت ہلاک

دعوت کا پس منظر

نجی ٹی وی چینل ہم نیوز کے مطابق وزیراعظم نے گزشتہ دورۂ انڈونیشیا کے دوران صدر کو پاکستان آنے کی دعوت دی تھی، جسے اب باضابطہ طور پر قبول کر لیا گیا ہے۔

یہ بھی پڑھیں: اللہ جانے موت کہاں مر گئی خمارؔ….

دورے کا مقصد

ذرائع کا کہنا ہے کہ دورے کا بنیادی مقصد دونوں ممالک کے درمیان سیاسی، معاشی، دفاعی، ثقافتی اور عوامی روابط کو مزید مضبوط بنانا ہے۔

یہ بھی پڑھیں: ایشیا کپ کا افتتاحی میچ، افغانستان اور ہانگ کانگ کے درمیان ٹاس ہو گیا

وفد کی آمد

انڈونیشیا کے صدر کے ساتھ ایک اعلیٰ سطح کا وفد بھی پاکستان پہنچے گا، جو مختلف شعبوں میں تعاون بڑھانے سے متعلق ملاقاتیں کرے گا۔

یہ بھی پڑھیں: شہرِ قائد میں 24 گھنٹوں کے دوران ریبیز کا شکار مزید 2 افراد انتقال کر گئے

ملاقاتیں

انڈونیشین صدر اپنے دورے کے دوران وزیراعظم شہباز شریف سے ون آن ون ملاقات کریں گے جبکہ صدرِ پاکستان آصف علی زرداری سے ملاقات بھی متوقع ہے۔ مہمان صدر کی عسکری قیادت سے ملاقات کا بھی قوی امکان ہے۔

یہ بھی پڑھیں: ٹک ٹاکر ثنا یوسف کو اسلام آباد میں قتل کر دیا گیا

تجارتی معاہدے

دورے کے دوران پاکستان اور انڈونیشیا کے درمیان آزادانہ تجارت کے معاہدے کو حتمی شکل دیے جانے کا امکان ہے۔

مفاہمتی سلسلے

سفارتی ذرائع کے مطابق فریقین تجارت، سرمایہ کاری، دفاعی پیداوار اور دوطرفہ اقتصادی تعاون کو بڑھانے پر بھی جامع بات چیت کریں گے.