ایشیز: آسٹریلیا نے انگلینڈ کو دوسرے ٹیسٹ میں بھی شکست دے دی

آسٹریلیا کی فتح

گابا (ڈیلی پاکستان آن لائن) ایشیز سیریز کے دوسرے ٹیسٹ میچ کے چوتھے روز آسٹریلیا نے انگلینڈ کو شکست سے دوچار کردیا۔

یہ بھی پڑھیں: محکمہ موسمیات کی مزید بارش اور چند مقامات پر ژالہ باری کی پیشگوئی

چوتھے روز کا آغاز

گابا میں کھیلے جارہے میچ میں انگلینڈ نے چوتھے روز 134 رنز 6 وکٹوں کے نقصان پر کھیل کا آغاز کیا تو اسے اننگز کی شکست سے بچنے کیلئے مزید 43 رنز درکار تھے۔ کپتان بین سٹوکس اور ول جیکس کریز پر موجود تھے جنہوں نے چائے کے وقفے تک 59 رنز بناکر ٹیم کو 16 رنز کی برتری دلوائی۔

یہ بھی پڑھیں: حکومت نے تین سال پورا زور لگایا پی ٹی آئی ختم نہیں کرسکی، فواد چودھری

کھلاڑیوں کی کارکردگی

تاہم چائے کے وقفے کے بعد بین سٹوکس 50 اور ول جیکس 41 رنز بناکر آؤٹ ہوگئے۔ انگلینڈ کی پوری ٹیم 241 پر ڈھیر ہوگئی۔

یہ بھی پڑھیں: آفن باخ جرمنی میں یورپی پنجابی ادبی اکیڈمی کے پہلے بین الاقوامی پروگرام کا انعقاد

آسٹریلیا کی بولنگ

آسٹریلیا کی جانب سے مائیکل نیسر نے 5 وکٹیں حاصل کیں، مچل سٹارک اور سکاٹ بولینڈ نے 2،2 جبکہ برینڈن ڈوگٹ نے ایک وکٹ حاصل کی۔

یہ بھی پڑھیں: بھارت کی ‘سیلیکون ویلی’ زیرِ آب، شدید بارشوں نے بنگلورو کا نظامِ زندگی درہم برہم کردیا

آسٹریلیا کا ہدف

آسٹریلیا کو جیت کیلئے 65 رنز کا ہدف ملا جو اس نے 2 وکٹوں کے نقصان پر حاصل کرلیا۔ ٹریوس ہیڈ 22 اور جیک ویدرالڈ 17 رنز بناکر آؤٹ ہوئے۔ کپتان اسٹیو اسمتھ 23 اور مارنس لبوشین 3 رنز بناکر ناٹ آؤٹ رہے۔

یہ بھی پڑھیں: توشہ خانہ میں تحائف جمع نہ کروانے پر بنگلہ دیشی حکام نے سابق وزیراعظم شیخ حسینہ واجد کا 10 کلو سونا ضبط کر لیا

پہلی اننگز کا خلاصہ

یاد رہے کہ گزشتہ روز زیک کرولی 44، اولی پوپ 26، بین ڈکٹ، جو روٹ اور ہیری بروک 15، 15 جبکہ جیمی اسمتھ 4 رنز بناکر آؤٹ ہوئے تھے۔

اس سے قبل آسٹریلیا نے اپنی پہلی اننگز میں 511 رنز بناکر انگلینڈ پر 177 رنز کی برتری حاصل کی تھی۔

یہ بھی پڑھیں: مخصوص نشستوں پر سپریم کورٹ کا فیصلہ، الیکشن کمیشن کا ردعمل بھی آگیا

تیسرے روز کا کھیل

آسٹریلیا نے کھیل کے تیسرے روز 378 رنز 6 کھلاڑی آؤٹ پر اننگز کا آغاز کیا تھا تو مجموعی اسکور میں 5 رنز کے اضافے کے بعد ہی مائیکل نیسر (16) پویلین لوٹ گئے تھے۔

ایلکس کیری 63 رنز بناکر آؤٹ ہوئے، مچل اسٹارک نے کیریئر بیسٹ 77 رنز کی اننگز کھیلی، اور برینڈن ڈوگٹ 13 رنز بناسکے۔ اسکاٹ بولینڈ 21 رنز بناکر ناٹ آؤٹ رہے۔

جیک ویدرالڈ 72، مارنس لبوشین 65، کپتان اسٹیو اسمتھ 61، کیمرون گرین 45، ٹریوس ہیڈ 33 اور جوش انگلس 23 رنز بناکر آؤٹ ہوئے تھے۔

یہ بھی پڑھیں: پاکستان سوشل سینٹر شارجہ میں مرحوم الطاف چشتی کی روح کو ایصال ثواب کے لیے قرآن خوانی کی محفل کا انعقاد

انگلینڈ کی بولنگ

انگلینڈ کی جانب سے برائیڈن کارس نے 4، کپتان بین اسٹوکس نے 3 جبکہ جوفرا آرچر، گس ایٹکنسن اور ول جیکس نے ایک ایک وکٹ حاصل کی تھی۔

انگلینڈ کی پہلی اننگز

انگلش ٹیم اپنی پہلی اننگز میں 334 رنز پر آل آؤٹ ہوگئی تھی، جو روٹ 138 رنز بناکر ناقابل شکست رہے تھے۔

آسٹریلیا کی جانب سے مچل سٹارک نے 6 جبکہ مائیکل نیسر، برینڈن ڈوگٹ اور سکاٹ بولینڈ نے ایک ایک وکٹ حاصل کی تھی。