چین کے J-15 طیاروں کے جاپانی فائٹرز کو لاک کرنے پر تنازعہ
چین اور جاپان کے درمیان کشیدگی
بیجنگ (ڈیلی پاکستان آن لائن) چین اور جاپان کے درمیان کشیدگی ایک بار پھر بڑھ گئی ہے، کیونکہ دونوں ممالک نے لڑاکا طیاروں کی حالیہ فضائی جھڑپ کے حوالے سے ایک دوسرے کے خلاف متضاد دعوے کیے ہیں۔
یہ بھی پڑھیں: ہانگ کانگ کی رہائشی عمارتوں میں خوفناک آتشزدگی کے باعث 44 افراد ہلاک، 279 سے زائد لاپتا
جاپانی وزیرِ اعظم کی سخت بیان
انادولو ایجنسی کے مطابق اتوار کو جاپانی وزیرِاعظم فومیو تاکائیچی نے سخت بیان دیتے ہوئے چین سے مطالبہ کیا کہ وہ جاپانی طیاروں پر ’’ریڈار لاک‘‘ کرنے جیسے اقدامات کا اعادہ نہ کرے۔ ان کا کہنا تھا کہ ایسی حرکتیں خطے میں خطرناک صورتِ حال پیدا کرتی ہیں۔
یہ بھی پڑھیں: فلم کی ریلیز سے متعلق جھوٹ بولنے پر ہاتھ جوڑ کا معافی مانگتا ہوں، بالی ووڈ اداکار عامر خان
چین کا الزام
اس سے قبل جاپان نے الزام لگایا تھا کہ چینی لڑاکا طیاروں نے ہفتے کے روز اوکیناوا کے جنوب مشرقی بین الاقوامی فضائی حدود میں جاپانی F5 طیاروں پر فائر کنٹرول ریڈار لاک کیا۔
یہ بھی پڑھیں: جناح ہاؤس حملہ کیس؛ علیمہ خان کے بیٹے شیر شاہ کی ضمانت منظور
جاپان کا ردعمل
جاپانی وزیرِ دفاع شنجیرو کوئزومی کے مطابق چین کے J5 طیارے، جو ایئرکرافٹ کیریئر لیاﺅننگ سے اُڑے تھے، دو علیحدہ واقعات میں ’’وقفے وقفے سے‘‘ جاپانی طیاروں پر ریڈار لاک کرتے رہے۔ جاپان نے اسے ’’انتہائی خطرناک اقدام‘‘ قرار دیتے ہوئے چین سے شدید احتجاج کیا، تاہم کسی طیارے یا اہلکار کو نقصان نہیں پہنچا۔
یہ بھی پڑھیں: ماضی کی معروف بالی ووڈ اداکارہ ممتا کلکرنی کی 25 سال بعد بھارت واپسی کی وجہ سامنے آگئی
چین کا مؤقف
دوسری جانب چین نے جاپانی مؤقف کو یکسر مسترد کرتے ہوئے الٹا جاپان پر ’’ہراسانی‘‘ کا الزام لگا دیا۔ چینی بحریہ کے ترجمان وانگ شوئیمِنگ نے کہا کہ لیاﺅننگ کیریئر گروپ مشرقِ میاکو آبنائے کے علاقے میں معمول کی پروازوں اور تربیتی مشقوں میں مصروف تھا، لیکن جاپانی طیارے بار بار قریب آ کر ’’غیر ضروری مداخلت‘‘ کرتے رہے۔
فلائٹ سیفٹی پر خطرات
ان کے مطابق جاپان کی یہ حرکات چین کی معمول کی تربیتی سرگرمیوں میں رکاوٹ اور فلائٹ سیفٹی کے لیے شدید خطرہ تھیں۔ ترجمان نے جاپان سے ’’بدنامی کی مہم‘‘ بند کرنے، فرنٹ لائن سرگرمیوں کو کنٹرول کرنے اور چین کی سلامتی کے خلاف اقدامات سے باز رہنے کا مطالبہ کیا۔
