بھارتی فلم انڈسٹری کے نامور ہدایت کار مہیش بھٹ کے بھائی وکرم بھٹ کو بیوی سمیت گرفتار کر لیا گیا

بھارتی ہدایتکار وکرم بھٹ کی گرفتاری

ممبئی (ڈیلی پاکستان آن لائن) بھارتی فلم انڈسٹری کے نامور ہدایتکار وکرم بھٹ کو ان کی اہلیہ سمیت گرفتار کیا گیا ہے۔

یہ بھی پڑھیں: کسی دہشتگرد تنظیم سے بات نہیں کرنی چاہیے، کوئی خطے میں اپنی بدمعاشی ثابت کریگا تو پاکستان بھر پور جواب دیگا: سپیکر پنجاب اسمبلی

گرفتاری کی وجوہات

بھارتی میڈیا کے مطابق، وکرم بھٹ اور ان کی اہلیہ شویتامبری بھٹ کو راجستھان میں درج ایک بڑے مالیاتی دھوکا دہی کے مقدمے میں گزشتہ روز ممبئی سے گرفتار کیا گیا۔

یہ بھی پڑھیں: شاہراہ ریشم کے گمشدہ شہروں کی دریافت، محققین کا شاندار خزانہ کہنا

پولیس کی کاروائی

اُدے پور پولیس کی خصوصی ٹیم نے فلمساز اور ان کی اہلیہ کو گرفتار کرکے عدالت سے 9 دسمبر تک کا ٹرانزٹ ریمانڈ حاصل کرلیا ہے۔

یہ بھی پڑھیں: دھرنے سے قبل اسٹیبلشمنٹ اور پی ٹی آئی کے درمیان رابطوں کا انکشاف، اندرونی کہانی سامنے آگئی

الزامات کی تفصیل

مقدمے کے مطابق، وکرم بھٹ سمیت ان کی اہلیہ اور 6 دیگر افراد پر الزام ہے کہ انہوں نے اُدے پور کے ڈاکٹر انڈیرا گروپ آف کمپنیز کے بانی اجے مردیا کو تقریباً 30 کروڑ روپے کے مبینہ فراڈ کا نشانہ بنایا ہے۔

یہ بھی پڑھیں: چیئرمین پی سی بی کی شاہین شاہ آفریدی اور بابر اعظم کو ون ڈے رینکنگ میں پہلی پوزیشن پر پہنچنے پر مبارکباد

ڈاکٹر مردیا کی شکایت

ڈاکٹر مردیا نے دعویٰ کیا ہے کہ ان سے ان کی مرحومہ اہلیہ کی زندگی پر مبنی بایوپک اور دیگر فلموں کی تیاری کے نام پر منافع کے بڑے دعوے کر کے رقم لی گئی لیکن منصوبے مکمل نہیں کیے گئے۔

یہ بھی پڑھیں: ٹرمپ کا دوسرا دور صدارت اور مشرق وسطیٰ

معاہدے کی تفصیلات

بھارتی پولیس کے مطابق، مئی 2024 میں مردیا اور بھٹ خاندان کے درمیان 4 فلموں کی تیاری کا معاہدہ ہوا تھا جس کی مجموعی مالیت 47 کروڑ روپے تھی۔

ابتدائی دو منصوبے مکمل ہونے کا دعویٰ کیا گیا، تاہم باقی فلمیں نہ بن سکیں۔

یہ بھی پڑھیں: عوام الناس کا امن و سکون غارت ہو کر رہ گیا ہے، طبقاتی نظام تعلیم کی اصلاح کے لیے مسلسل مطالبات کے باوجود کوئی مؤثر اقدامات نہیں کیے گئے۔

تفتیش میں انکشافات

تفتیش میں سامنے آیا ہے کہ مبینہ طور پر جعلی وینڈرز کے نام پر فرضی بل اور بڑھا چڑھا کر تیار کی گئی دستاویزات کے ذریعے رقم نکلوائی گئی جس سے شکایت کنندہ کو تقریباً 30 کروڑ روپے کا نقصان ہوا۔

یہ بھی پڑھیں: کراچی میں شوہر نے بیوی کا گلہ کاٹ کر قتل کردیا

عدالتی کاروائی

بھارتی میڈیا کا کہنا ہے کہ گرفتاری کے بعد عدالت میں پیشی کے دوران انڈسٹری سے منسلک جوڑے کے وکلا نے عدالت میں مؤقف اختیار کیا کہ پولیس نے بغیر مناسب طریقۂ کار کے گرفتار کیا اور ملزمان پر دباؤ ڈال کر خالی تاریخ اور وقت کے بغیر ایک دستاویز پر دستخط بھی کروائے۔

فلمساز کے وکلا نے الزام لگایا ہے کہ پولیس نے دھمکی دی تھی کہ تعاون نہ کرنے پر راجستھان میں تشدد کیا جائے گا۔