پی ٹی آئی جلسے نے ڈی جی آئی ایس پی آر کی باتیں سچ ثابت کر دیں: طلال چودھری
وزیر مملکت کا بیان
اسلام آباد(ڈیلی پاکستان آن لائن) وزیر مملکت برائے داخلہ طلال چودھری نے کہا ہے کہ پی ٹی آئی کے پشاور میں جلسے نے ڈی جی آئی ایس پی آر کی ساری باتیں سچ ثابت کر دیں۔
یہ بھی پڑھیں: وزیراعظم شہباز شریف نے پی آئی اے کے 75 فیصد حصص کی کامیاب نجکاری کو بارش کا پہلا قطرہ قراردے دیا
پی ٹی آئی کے جلسے کی حقیقت
نجی ٹی وی چینل دنیا نیوز کے مطابق وزیر مملکت داخلہ طلال چودھری نے کہا کہ کل پشاور میں پی ٹی آئی نے جلسہ کیا، لوگ سمجھ رہے تھے کہ پی ٹی آئی اپنی 13 سالہ کارکردگی کے بارے میں بات کرے گی، لیکن جلسے میں گالم، گلوچ اور تنقید کے علاوہ کچھ نہیں کہا گیا۔
یہ بھی پڑھیں: پشاور: خیبرپختونخوا اسمبلی میں سزاؤں سے متعلق ترمیمی بل 2025 کثرت رائے سے منظور
فوج کی سیاست میں اعلیٰ کردار
ان کا کہنا ہے کہ کل پی ٹی آئی کے جلسے میں ثابت ہوگیا کہ ڈی جی آئی ایس پی آر کی ساری باتیں سچ اور حقیقت ہیں، فوج سیاست میں مداخلت نہیں کر رہی، اور آپ اپنی سیاست چمکانے کے لیے بار بار فوج اور اس کے سربراہ کو سیاست میں لاتے ہیں۔
یہ بھی پڑھیں: کیڈٹ کالج وانا: تمام حملہ آور خوارج جہنم واصل، 525 کیڈٹس سمیت 650 افراد ریسکیو
پی ٹی آئی کی تنقید کا جواب
ان کا یہ بھی کہنا ہے کہ پی ٹی آئی نے ادارے کو جواب دینے پر خود مجبور کیا، فوج اور اس کے سربراہ نے بہت لمبے عرصے صبر اور درگزر سے کام لیا۔ پی ٹی آئی نے کبھی اسرائیل یا بھارت کو تنقید کا نشانہ نہیں بنایا اور ہمیشہ دہشتگردوں کے لیے نرم رویہ رکھا۔
یہ بھی پڑھیں: کرپشن نے ہر شے کو تہس نہس کر دیا ہے اور ابھی بھی کسی کو اس کا ادراک نہیں،کرپشن کو تحفظ دیتے دیتے ہم نے ملک کو ہی داؤ پر لگا دیا
حکومت کی کوششوں پر شرمندگی
طلال چودھری کا کہنا ہے کہ جب ساری تنقید فوج اور اس کے سربراہ پر ہوتی ہے تو جواب دینا تو بنتا ہے۔ حکومت نے کئی بار پی ٹی آئی کو پارلیمنٹ میں بات چیت کی دعوت دی، لیکن پی ٹی آئی کو بات چیت کی دعوت دینے پر آج ہمیں خود شرمندگی ہورہی ہے۔
پی ٹی آئی کے رہنماؤں کا مقام
وزیر مملکت داخلہ نے کہا کہ پی ٹی آئی کے لوگوں کی بانی کے سامنے بنی گالہ کے شیرو سے زیادہ حیثیت نہیں۔ بانی کے اپنے بچے آج بھی گولڈسمتھ کی گود میں پل رہے ہیں، کندھوں پر بیٹھ کر اقتدار میں پہنچنے کے بعد خود کو عقل کل سمجھنے والا ذہنی مریض ہی ہوسکتا ہے۔
