علی امین گنڈا پور کا پی ٹی آئی رہنماؤں سے رابطہ منقطع، کہاں مصروف ہیں؟ اہم تفصیلات سامنے آ گئیں

علی امین گنڈاپور کا پی ٹی آئی رہنماؤں سے رابطہ منقطع

پشاور (نیوز ڈیسک) سابق وزیر اعلیٰ خیبر پختونخوا علی امین گنڈاپور کا پی ٹی آئی رہنماؤں سے رابطہ منقطع ہو گیا ہے۔ اس حوالے سے اہم تفصیلات سامنے آئی ہیں۔

یہ بھی پڑھیں: پاکستانی صحافی عامر نوید ملک کے انتقال پر تعزیتی ریفرنس کا انعقاد

پارٹی کی سرگرمیوں سے غیر موجودگی

سابق وزیر اعلیٰ علی امین گنڈاپور وزارتِ اعلیٰ کے عہدے سے مستعفی ہونے کے بعد پارٹی کی سرگرمیوں میں غیر حاضر رہنے لگے ہیں۔

یہ بھی پڑھیں: اداکارہ سڈنی سوینی نے اپنے غسل کے پانی سے بنی صابن فروخت کے لیے پیش کردی

اہم اجلاسوں میں عدم شرکت

’’جیو نیوز‘‘ نے پارٹی ذرائع کے حوالے سے بتایا ہے کہ علی امین گنڈاپور یومِ سیاہ کے موقع پر پشاور میں موجود نہیں تھے، جلسے میں بھی شریک نہیں ہوئے، اور اسلام آباد میں ارکانِ اسمبلی کے احتجاج میں بھی شامل نہیں تھے۔ علی امین گنڈاپور پارٹی کے اہم اجلاسوں میں بھی شریک نہیں ہو رہے اور انہوں نے پارٹی کے بیشتر رہنماؤں سے رابطہ بھی منقطع کر دیا ہے۔ سابق وزیر اعلیٰ نے پارٹی سے مالی تعاون بھی بند کر دیا ہے۔

ترجمان کی وضاحت

سابق وزیر اعلیٰ کے ترجمان فراز مغل نے بتایا ہے کہ علی امین گنڈاپور اپنے آبائی علاقے میں ترقیاتی کاموں میں مصروف ہیں۔ جب بھی تحریک کے بانی تحریک کی کال دیں گے، علی امین صفِ اوّل میں کھڑے ہوں گے۔