نیپرا نے بلیک آوٹ کے بعد بجلی بحالی میں ناکامی پر نیشنل گرڈ کمپنی اور سی پی پی اے کو جرمانہ کردیا

نیپرا کا فیصلہ

اسلام آباد (ڈیلی پاکستان آن لائن) نیپرا نے 4 سال قبل ہونے والے بلیک آوٹ کے بعد بروقت بجلی بحالی میں ناکامی کا ذمہ دار نیشنل گرڈ کمپنی اور سی پی پی اے کو قرار دے دیا ہے۔ دونوں کمپنیوں پر ڈھائی، ڈھائی کروڑ روپے جرمانہ عائد کر دیا گیا ہے۔

یہ بھی پڑھیں: لاہور، ڈیفنس میں تیز رفتار کار کی ٹکر سے موٹرسائیکل سوار دو نوجوان جاں بحق

بلیک آوٹ کی تفصیلات

ایکسپریس نیوز کے مطابق، نیپرا نے اس حوالے سے اپنا فیصلہ جاری کر دیا ہے، جس کے مطابق 9 جنوری 2021 کو ملک 20 گھنٹے تک اندھیرے میں ڈوبا رہا۔ نیشنل گرڈ کمپنی اور سی پی پی اے بلیک آوٹ کے بعد فوری طور پر بجلی بحال کرنے میں ناکام رہی۔ فیصلے میں کہا گیا کہ سال 2021، 2022 اور 2023 میں بجلی معطل ہونے کے واقعات رونما ہوئے۔ دونوں کمپنیاں بروقت بجلی بحالی میں ناکام رہیں۔