بانی پی ٹی آئی کی انا اور پاگل پن کا سلسلہ نیا نہیں، مریم اورنگزیب

مریم اورنگزیب کا بیان

لاہور (ڈیلی پاکستان آن لائن) پنجاب کی سینئر وزیر مریم اورنگزیب کا کہنا ہے کہ بانی پی ٹی آئی کی انا اور پاگل پن کا سلسلہ نیا نہیں، انہوں نے پہلے بھی حکومت کے خلاف غلیظ اور بدتمیزی پر مبنی گفتگو کی۔ لاہور میں پریس کانفرنس کرتے ہوئے مریم اورنگزیب نے کہا کہ بانی پی ٹی آئی نے کبھی اپنے نامناسب بیان سے لاتعلقی کا اظہار نہیں کیا، 9 مئی کو 300 سے زائد عسکری تنصیبات کو نشانہ بنایا گیا، ملکی سلامتی اور استحکام کی مخالفت کرنے کی سزا آئین میں موجود ہے۔

یہ بھی پڑھیں: سری لنکا: شدید بارشوں سے سیلابی صورتحال، 46 افراد ہلاک

ملک دشمنی اور آزادی رائے

مریم اورنگزیب نے کہا کہ ملک دشمن کے ساتھ نیکسز بنا کر ملک کے خلاف دشمنی کریں گے تو وہ آزادی رائے نہیں، ذہنی مریض کے ساتھ ذہنی ڈاکٹر مذاکرات کر سکتا ہے، ان کو سمجھاؤ تو آگے سے گالی دیتے ہیں۔ سینئر صوبائی وزیر نے کہا کہ یہ فارن فنڈنگ بول رہی ہے، جو اسرائیل اور بھارت سے آئی، آئی ایم ایف کو خط لکھتے ہیں کہ ان کی مدد نہ کرو، آپ کو قومی سلامتی پر حملہ آور ہونے کی اجازت نہیں دی جا سکتی، آپ سے کون پوچھ رہا ہے کہ 27 ویں ترمیم منظور ہے یا نہیں۔

یہ بھی پڑھیں: 15 ماہ کی حاملہ: بانجھ خواتین کو معجزاتی طریقوں سے حمل ٹھہرانے کا دھوکہ کیسے بے نقاب ہوا؟

پاکستان کی سلامتی کا معاملہ

مریم اورنگزیب نے کہا کہ اداروں پر حملے، آرمی چیف کو متنازع بنانا کیوں، آج پاکستان کے دفاع اور سلامتی و استحکام کا معاملہ ہے، شہیدوں کے مجسمے نیچے گرا کر انہیں ٹھڈے مارے گئے۔ وفاق میں نفاق پھیلانے والے کو غدار کہا جاتا ہے، ایسے عناصر سے ملک دشمن کی طرح نمٹا جائے گا، بس بھی ہوتی ہے، انف از انف۔

یہ بھی پڑھیں: بلاک چین کے لیے اہم پیش رفت، پاکستان 21 بلین ڈالر کی کرپٹو مارکیٹ کو قانونی فریم ورک میں لانے کے لیے تیار

ملک کی تاریخ میں 9 مئی

انہوں نے کہا کہ بہنیں بھارتی میڈیا پر بیٹھ کر ملک کو متنازع کرتی ہیں، اس کی کسی کو اجازت نہیں، آپ جیل میں اپنے اعمالوں کی وجہ سے ہیں، آپ نے بطور وزیراعظم جو کرپشن کی ہے اس کی سزا کاٹ رہے ہیں۔ ملک کی تاریخ میں ایک ہی 9 مئی ہوسکتا ہے، بار بار نہیں ہوسکتا، ہر طرف ترقی کے سورج طلوع ہو رہے ہیں، تمہیں یہ تکلیف ہے، ملک اور افواج کا اعتماد بحال ہو رہا ہے، تمہیں یہ تکلیف ہو رہی ہے، تمہارا جھوٹا نقاب اتر چکا ہے، عوام کو تمہاری اصلیت پتہ چل چکی ہے۔

ملک دشمنوں کے خلاف کارروائی

مریم اورنگزیب نے کہا کہ ہم ملک دشمنوں کے خلاف کارروائی کریں گے، آئین میں ملک دشمن کی سزا بہت واضح لکھی ہوئی ہے، بانی پی ٹی آئی بھارتی سازش کو کامیاب کر رہے ہیں۔ بانی کے بیان سے ملک کو نقصان پہنچ رہا ہے، آپ کو گرفتار اس لیے کیا گیا کیونکہ آپ نے ملک کو نقصان پہنچایا۔ آزادی رائے کے نام پر ملک کے ساتھ دشمنی نہیں کرنے دیں گے، جو اس لائن کو کراس کرے گا اس کے لیے وہی سزا ہوگی جو آئین کہتا ہے۔