وزیراعلیٰ پنجاب کا تمام سکولوں اور تعلیمی اداروں کے باہر ڈیجیٹل نگرانی کے لئے کیمرے نصب کرنے کا حکم

وزیراعلیٰ مریم نواز شریف کا نیا حکم

لاہور (ڈیلی پاکستان آن لائن) وزیراعلیٰ مریم نواز شریف نے تمام سکولوں اور تعلیمی اداروں کے باہر ڈیجیٹل نگرانی کے لئے کیمرے نصب کرنے کا حکم دیا ہے۔ پنجاب پولیس کو سکول ایجوکیشن کے ساتھ مل کر تعلیمی اداروں میں فرضی مشقیں کرانے کی ہدایت بھی کی گئی ہے۔ اس کے علاوہ، تعلیمی اداروں کے لئے سیکورٹی گارڈ، انٹری چیکنگ اور سی سی ٹی وی لازمی قرار دیئے گئے ہیں۔

یہ بھی پڑھیں: پاکستان کے خلاف پروپیگنڈا نہ کرنے پر افغان طالبان نے ملک کے دوسرے بڑے چینل شمشاد نیوز کو زبردستی بند کردیا

پنجاب کی سلامتی کے لئے عزم

مریم نواز شریف کا کہنا ہے کہ پنجاب کو محفوظ ترین صوبہ بنانے تک وہ چین سے نہیں بیٹھیں گی۔ اس مقصد کے حصول کے لئے شہریوں کی بھی بھرپور معاونت کی ضرورت ہے۔

اجلاس میں اہم فیصلے

وزیراعلیٰ مریم نواز کی زیر صدارت اجلاس میں فیصلہ کیا گیا کہ پنجاب میں دوسروں صوبوں سے آنے اور جانے والی بسوں کے ڈرائیور اور عملے کی رجسٹریشن کو یقینی بنایا جائے گا۔ پولیس اور قانون نافذ کرنے والے اداروں کو موٹروے پولیس کے ساتھ سیکورٹی کے لئے اشتراک کار کی ہدایت کی گئی ہے۔ مزید برآں، گھروں اور مارکیٹوں میں نصب سی سی ٹی وی کیمروں کو سیف سٹی سے منسلک کرنے کا حکم بھی جاری کیا گیا ہے۔