پنجاب میوزک گروپ نے عجمان میں متحدہ عرب امارات کا 54 واں قومی دن عید الاتحاد منایا

متحدہ عرب امارات کا 54 واں قومی دن

دبئی (طاہر منیر طاہر) متحدہ عرب امارات کا 54 واں قومی دن عید الاتحاد 2 دسمبر 2025 کو عجمان میں منایا گیا۔ نیشنل ڈے کی خوشیوں کو دوبالا کرنے پنجاب میوزک گروپ کے چیف آرگنائزر اور بانی رکن نزاکت علی خان کی سربراہی میں عظیم الشان میوزک نائٹ کا اہتمام کیا گیا۔

یہ بھی پڑھیں: پاک بحریہ کا انسداد منشیات کا بڑا آپریشن: 130 ملین ڈالر مالیت کی منشیات ضبط

پاکستانی کمیونٹی کی بھرپور شرکت

عجمان میں ہونے والے ایونٹ میں پاکستانی کمیونٹی نے بھرپور شرکت اور حوصلہ افزائی کی۔ میوزک نائٹ میں پاکستان سے شہنشاہ طبلہ عبد الستار خان المعروف طاری خان کے شاگرد خاص نواز استاد نونی خان نے خصوصی شرکت کی۔

یہ بھی پڑھیں: قلات میں زلزلے کے جھٹکے

شاندار پرفارمنس

شاہینوں کے شہر سرگودھا سے سنگر مسکان جاوید نے اسپیشل پرفارمنس سے محفل پر سحر طاری کر دیا۔ رضوان عبد اللہ جمبو، ندیم ایاز اور ظہور احمد شوکت جمال نے بطور مہمان خصوصی شرکت کی۔

یہ بھی پڑھیں: 14 کیسز میں بانی پی ٹی آئی کے ساتھ ہوں، سیاسی حالات خراب ہوتے جارہے ہیں: شیخ رشید

فنکاروں کی شمولیت

دیگر فنکاران محفل میں میڈم یاسمین خان، جاوید اختر، عبداللہ رؤف، Rana ارشد، میڈم روبہ شاہد اور یو اے ای کی مایہ سنگر میڈم نجمہ مسرت نے اردو ہندی اور عربی فرمائشی نغموں سے لوگوں کو تفریح طبع فراہم کی۔

یہ بھی پڑھیں: ٹانک اور لکی مروت میں خوارج کیخلاف کامیاب کارروائیوں پر صدر مملکت کا سیکیورٹی فورسز کو خراج تحسین

نزاکت علی خان کی شاندار میزبانی

چیف آرگنائزر نزاکت علی خان نے کمپئرنگ اور ہوسٹنگ کے فرائض اد ا کیے۔ حاضرین محفل کی پرزور فرمائش پر نزاکت علی نے لائیو اور karaoke گیتوں پر شاندار پرفارمنس دی اور ایونٹ کو چار چاند لگا دیے۔ مہمان خصوصی اور اپنے چاہنے والوں کی دلجوئی کے لئے سولو طبلہ نوازی کے چند جوہر بھی بکھیرے جس نے حاضرین پہ رقت و سحر طاری کر دیا۔

خاندانی ایونٹ کا اختتام

عجمان میں یہ فیملی ایونٹ رات گئے تک جاری رہا جس میں بار بی کیو سمیت ہائی ٹی کا بندوبست کیا گیا تھا۔ اختتام میں نزاکت علی نے فرداً فرداً تمام ارکان محفل کا شکریہ ادا کیا۔