روزانہ 300 ملین روپے کی آمدن، پاکستان ریلوے نے یومیہ آمدن کا 30 سالہ ریکارڈ توڑ دیا
ریلوے میں آمدن کا نیا ریکارڈ
لاہور (ڈیلی پاکستان آن لائن) وفاقی وزیر ریلوے حنیف عباسی نے دعویٰ کیا ہے کہ محکمہ ریلوے میں روزانہ کی آمدن پچھلے 30 سال کا ریکارڈ توڑ رہی ہے۔
یہ بھی پڑھیں: ویڈیو: اب برتھ اور ڈیتھ سرٹیفیکیٹ بالکل مفت بنوائیں، پنجاب حکومت نے بڑا قدم اٹھا لیا
اصلاحات کی کامیابی
اپنے ویڈیو پیغام میں وزیر ریلوے نے کہا کہ پچھلے 8 ماہ میں ریلوے میں اصلاحات کے باعث روزانہ آمدن میں غیر معمولی اضافہ ہوا ہے۔ ریلوے کی اصلاحات کے نتیجے میں مسافر اور فریٹ آمدنی میں غیر معمولی اضافہ ہوا ہے۔
یہ بھی پڑھیں: چین نے جوہری ہتھیاروں کے تجربات پر امریکی صدر ڈونلڈ ٹرمپ کے الزامات مسترد کر دیے
مالی اعداد و شمار
وزیر نے بتایا کہ گزشتہ 15 دنوں سے روزانہ 300 ملین روپے کی آمدنی حاصل ہو رہی ہے۔ ریلوے کی جدیدکاری اور اصلاحات کے عمل کے تحت پورے پاکستان میں ریلوے ڈیجیٹائز کیا جا چکا ہے۔
یہ بھی پڑھیں: بھارت کے خلاف جنگ میں پاکستانی میڈیا نے بہترین کردار ادا کیا، بلاول بھٹو زرداری
ترقی کی راہیں
پاکستان ریلوے ترقی کی راہ پر گامزن ہے۔ اسٹیشنز کی اَپ گریڈیشن کے ساتھ ساتھ اب ریلوے ٹریک پر خصوصی توجہ دے رہے ہیں۔ نوکنڈی سے روہڑی اور روہڑی سے کراچی تک ٹریک بہت جلد بہتر کیے جائیں گے، معاہدے مکمل ہو چکے ہیں۔
یہ بھی پڑھیں: امریکی اخبار وال سٹریٹ جرنل نے مودی سرکار کے اقلیتوں کے ساتھ تعصب، عدم برداشت اور تنگ نظری کو بے نقاب کر دیا
مستقبل کی منصوبہ بندی
رواں مالی سال میں وزیر اعظم کے ویژن کو مکمل طور پر امپلیمنٹ کرکے ریلوے کے تمام اہداف حاصل کرلیں گے جبکہ 31 دسمبر 2026 تک تمام مقررہ اہداف مکمل کیے جائیں گے۔
سماجی میڈیا پر خبر
ریلوے محمد حنیف عباسی کی پاکستان کی عوام کو بڑی خوشخبری!
پچھلے 8 ماہ میں ریلوے میں اصلاحات کے نتیجے میں، روزانہ آمدن میں غیر معمولی اضافہ ہوا ہے۔ وزیر ریلوے
گزشتہ پندرہ دن سے روزانہ 300 ملین روپے کی آمدنی حاصل ہو رہی۔ محمد حنیف عباسی
روزانہ کی یہ آمدن پچھلے تیس سال کا… pic.twitter.com/kyzP0Ac8Id
— Ministry of Railways - Pakistan (@MOR_Pakistan) December 9, 2025
