کالے شیشے رکھنے پر 6ماہ تک قید اور 50ہزار روپے تک جرمانہ ہوگا؛ صوبائی موٹر وہیکل آرڈیننس 2025 (چوتھی ترمیم) پنجاب اسمبلی میں پیش

پنجاب اسمبلی میں موٹر وہیکل آرڈیننس 2025 کی پیشی

لاہور(ڈیلی پاکستان آن لائن) صوبائی موٹر وہیکل آرڈیننس 2025 (چوتھی ترمیم) پنجاب اسمبلی میں پیش کر دیا گیا۔

یہ بھی پڑھیں: ماحول دیکھ کر چلتا ہوں، مجھے تو بانی پی ٹی آئی کی رہائی نظر آرہی ہے: فیصل چوہدری

سخت سزائیں اور جرمانے

نجی ٹی وی چینل جیو نیوز کے مطابق، کالے شیشے رکھنے پر 6 ماہ تک قید اور 50 ہزار روپے تک جرمانہ ہوگا۔ کم عمر بچوں کے موٹر گاڑی چلانے، ون وے پر موٹر گاڑی چلانے پر بھی یہی سزائیں نافذ ہوں گی۔

یہ بھی پڑھیں: ہمارے کارکنان کو کچھ ہوا تو ذمہ دار حکومت ہوگی : بیرسٹر سیف

تیز رفتاری اور اوور لوڈنگ کے جرمانے

متن میں مزید کہا گیا ہے کہ تیز رفتاری پر موٹر سائیکل سوار کو 2 ہزار، تھری وہیلر کو 3 ہزار، عام گاڑی کو 5 ہزار جبکہ لگژری گاڑی اور ٹرانسپورٹ گاڑیوں کو 20 ہزار روپے جرمانہ ہوگا۔ اوور لوڈنگ کے خلاف، تھری وہیلر کو 3 ہزار، عام گاڑی کو 5 ہزار، لگژری گاڑی کو 10 ہزار، اور ٹرانسپورٹ گاڑی کو 15 ہزار جرمانہ ہوگا۔

یہ بھی پڑھیں: فلسطینی کارکن محمود خلیل کی ٹرمپ انتظامیہ کے خلاف 2 کروڑ ڈالر ہرجانے کی درخواست

سگنل توڑنے کی سزا

سگنل توڑنے پر موٹر سائیکل سوار کو 2 ہزار، تھری وہیلر کو 3 ہزار اور عام گاڑی کو 5 ہزار جرمانہ ہوگا۔ لگژری گاڑی کو 10 ہزار جبکہ ٹرانسپورٹ گاڑی کو 15 ہزار روپے جرمانے کی سزا دی جائے گی۔

یہ بھی پڑھیں: آپ نے گھبرانا نہیں، جلد آئندہ کا لائحہ عمل دوں گا: عمران خان کا اعلان

رات کے وقت لائٹس کی خرابی

صوبائی موٹر وہیکل آرڈیننس کے مطابق، رات کو خراب لائٹس کے ساتھ گاڑی چلانے پر، موٹر سائیکل سوار کو 2 ہزار، تھری وہیلرز کو 3 ہزار، عام گاڑی کو 3 ہزار، لگژری گاڑی کو 8 ہزار، اور ٹرانسپورٹ گاڑی کو 10 ہزار جرمانہ ہوگا۔

یہ بھی پڑھیں: جعفرآباد: ڈی جی پی ڈی ایم اے کی سکواڈ کی گاڑی کو حادثہ، پولیس اہلکار جاں بحق

زیبرا کراسنگ کی خلاف ورزی

زیبرا کراسنگ کی خلاف ورزی پر موٹر سائیکل سوار کو 2 ہزار، تھری وہیلت کو 3 ہزار، عام گاڑی کو 3 ہزار، لگژری گاڑی کو 8 ہزار اور ٹرانسپورٹ گاڑی کو 15 ہزار جرمانہ ہوگا۔

یہ بھی پڑھیں: آئندہ مالی سال کے لیے بجلی کی قیمت خریداری سے متعلق سی پی پی اے کی درخواست پر فیصلہ جاری

ڈرائیونگ لائسنس کے بغیر گاڑی چلانے پر جرمانہ

ڈرائیونگ لائسنس کے بغیر موٹر سائیکل سوار کو 2 ہزار، تھری وہیلر کو 3 ہزار، عام گاڑی کو 5 ہزار، لگژری گاڑی کو 10 ہزار اور ٹرانسپورٹ گاڑی کو 15 ہزار روپے جرمانہ ہوگا۔

یہ بھی پڑھیں: حکومت سندھ کا سرکاری گاڑیوں کے ای چالان سے متعلق بڑا فیصلہ، ادائیگی متعلقہ افسر کو جیب سے کرنا ہوگی

دھواں چھوڑتی گاڑیوں پر جرمانے

دھواں چھوڑتی گاڑی پر موٹر سائیکل کو 2 ہزار، تھری وہیلر کو 3 ہزار، عام گاڑی کو 3 ہزار، لگژری گاڑی کو 8 ہزار اور ٹرانسپورٹ گاڑی کو 15 ہزار روپے جرمانہ ہوگا۔

ہیلمٹ کے بغیر موٹر سائیکل چلانے پر جرمانہ

ہیلمٹ کے بغیر موٹر سائیکل چلانے پر 2 ہزار روپے جرمانہ ہوگا۔ یہ آرڈیننس پنجاب اسمبلی کی متعلقہ کمیٹی کے حوالے کردیا گیا ہے اور پنجاب اسمبلی سے منظوری کے بعد، یہ باقاعدہ قانون بن جائے گا۔ گورنر پنجاب سردار سلیم حیدر خان نے آرڈیننس کی منظوری دے دی ہے۔