کالے شیشے رکھنے پر 6ماہ تک قید اور 50ہزار روپے تک جرمانہ ہوگا؛ صوبائی موٹر وہیکل آرڈیننس 2025 (چوتھی ترمیم) پنجاب اسمبلی میں پیش

پنجاب اسمبلی میں موٹر وہیکل آرڈیننس 2025 کی پیشی

لاہور(ڈیلی پاکستان آن لائن) صوبائی موٹر وہیکل آرڈیننس 2025 (چوتھی ترمیم) پنجاب اسمبلی میں پیش کر دیا گیا۔

یہ بھی پڑھیں: مزدور بات کرنے سے خوفزدہ، صحافی نے ویڈیو شیئرکردی

سخت سزائیں اور جرمانے

نجی ٹی وی چینل جیو نیوز کے مطابق، کالے شیشے رکھنے پر 6 ماہ تک قید اور 50 ہزار روپے تک جرمانہ ہوگا۔ کم عمر بچوں کے موٹر گاڑی چلانے، ون وے پر موٹر گاڑی چلانے پر بھی یہی سزائیں نافذ ہوں گی۔

یہ بھی پڑھیں: نیوزی لینڈ کے معروف آل راؤنڈر نے ریٹائرمنٹ کا اعلان کر دیا

تیز رفتاری اور اوور لوڈنگ کے جرمانے

متن میں مزید کہا گیا ہے کہ تیز رفتاری پر موٹر سائیکل سوار کو 2 ہزار، تھری وہیلر کو 3 ہزار، عام گاڑی کو 5 ہزار جبکہ لگژری گاڑی اور ٹرانسپورٹ گاڑیوں کو 20 ہزار روپے جرمانہ ہوگا۔ اوور لوڈنگ کے خلاف، تھری وہیلر کو 3 ہزار، عام گاڑی کو 5 ہزار، لگژری گاڑی کو 10 ہزار، اور ٹرانسپورٹ گاڑی کو 15 ہزار جرمانہ ہوگا۔

یہ بھی پڑھیں: نائیجریا میں کشتی حادثے میں 60 افراد ہلاک، متعدد لاپتا

سگنل توڑنے کی سزا

سگنل توڑنے پر موٹر سائیکل سوار کو 2 ہزار، تھری وہیلر کو 3 ہزار اور عام گاڑی کو 5 ہزار جرمانہ ہوگا۔ لگژری گاڑی کو 10 ہزار جبکہ ٹرانسپورٹ گاڑی کو 15 ہزار روپے جرمانے کی سزا دی جائے گی۔

یہ بھی پڑھیں: لگتا ہے تمام چیزوں پر کنٹرول حاصل کرنے کی کوشش کی جارہی ہے، سندھ ہائی کورٹ کے عارف علوی کا کلینک سیل کرنے کیخلاف درخواست پر ریمارکس

رات کے وقت لائٹس کی خرابی

صوبائی موٹر وہیکل آرڈیننس کے مطابق، رات کو خراب لائٹس کے ساتھ گاڑی چلانے پر، موٹر سائیکل سوار کو 2 ہزار، تھری وہیلرز کو 3 ہزار، عام گاڑی کو 3 ہزار، لگژری گاڑی کو 8 ہزار، اور ٹرانسپورٹ گاڑی کو 10 ہزار جرمانہ ہوگا۔

یہ بھی پڑھیں: معروف ٹک ٹاکر رجب بٹ اس وقت کہاں ہیں؟ حیران کن انکشاف

زیبرا کراسنگ کی خلاف ورزی

زیبرا کراسنگ کی خلاف ورزی پر موٹر سائیکل سوار کو 2 ہزار، تھری وہیلت کو 3 ہزار، عام گاڑی کو 3 ہزار، لگژری گاڑی کو 8 ہزار اور ٹرانسپورٹ گاڑی کو 15 ہزار جرمانہ ہوگا۔

یہ بھی پڑھیں: ایرانی بحریہ کا بڑا اقدام، برطانوی بحریہ کے جہاز کو خلیج فارس میں داخلے سے روک دیا

ڈرائیونگ لائسنس کے بغیر گاڑی چلانے پر جرمانہ

ڈرائیونگ لائسنس کے بغیر موٹر سائیکل سوار کو 2 ہزار، تھری وہیلر کو 3 ہزار، عام گاڑی کو 5 ہزار، لگژری گاڑی کو 10 ہزار اور ٹرانسپورٹ گاڑی کو 15 ہزار روپے جرمانہ ہوگا۔

یہ بھی پڑھیں: اگر گووندا سدھر جائیں تو انہیں معاف کر دوں گی: سنیتا آہوجا

دھواں چھوڑتی گاڑیوں پر جرمانے

دھواں چھوڑتی گاڑی پر موٹر سائیکل کو 2 ہزار، تھری وہیلر کو 3 ہزار، عام گاڑی کو 3 ہزار، لگژری گاڑی کو 8 ہزار اور ٹرانسپورٹ گاڑی کو 15 ہزار روپے جرمانہ ہوگا۔

ہیلمٹ کے بغیر موٹر سائیکل چلانے پر جرمانہ

ہیلمٹ کے بغیر موٹر سائیکل چلانے پر 2 ہزار روپے جرمانہ ہوگا۔ یہ آرڈیننس پنجاب اسمبلی کی متعلقہ کمیٹی کے حوالے کردیا گیا ہے اور پنجاب اسمبلی سے منظوری کے بعد، یہ باقاعدہ قانون بن جائے گا۔ گورنر پنجاب سردار سلیم حیدر خان نے آرڈیننس کی منظوری دے دی ہے۔