حزب اختلاف حالات کو اس نہج پر لے گئی جہاں سے واپسی شاید ناممکن ہے ، ایاز صادق

ایاز صادق کا بیان

اسلام آباد (ڈیلی پاکستان آن لائن) قومی اسمبلی کے اسپیکر ایاز صادق نے کہا ہے کہ حزب اختلاف حالات کو اس نہج پر لے گئی جہاں سے واپسی شاید ناممکن ہے، جس فوج نے بھارت سے جنگ جیتی ان کے خلاف زبان استعمال کی گئی۔

یہ بھی پڑھیں: میرے 600 مہمانوں کو کھانا کھلاؤ ورنہ شادی کینسل

اپوزیشن کے مذاکرات کی دعوت

میڈیا سے گفتگو میں ایاز صادق کا کہنا تھاکہ اگر اپوزیشن مذاکرات کو آگے بڑھانا چاہتی ہے تو اچھی بات ہے، وزیراعظم اور میں بارہا کہہ چکے ہیں کہ مذاکرات کے لیے دروازے کھلے ہیں جس کے جواب میں کہا گیا کہ ہم آرمی چیف سے بات چیت کرنا چاہتے ہیں۔

یہ بھی پڑھیں: امریکی ریاست مونٹانا ایئر پورٹ پر طیارہ لینڈنگ کے دوران رن وے پر کھڑے دوسرے طیارے سے ٹکرا گیا

فوج اور عدلیہ کا تحفظ

انہوں نے کہا کہ جس فوج نے بھارت سے جنگ جیتی ان کے خلاف زبان استعمال کی گئی، پارلیمنٹ کے فلور کو عدلیہ مخالف زبان کے لیے استعمال کیا گیا، سرحدوں کے محافظوں کے لیے مخالفین کی زبان استعمال کی گئی، بارہا کہہ چکا ہوں کہ فلور پر فوج اور عدلیہ مخالف بیان کے لیے اجازت نہیں دوں گا۔

مذاکرات کی صورت حال

اسپیکر کا کہنا تھاکہ عدلیہ اور فوج مخالف ٹوئٹ کیے گئے، حزب اختلاف حالات کو اس نہج پر لے گئے جہاں سے واپسی شاید ناممکن ہے، میں نے مذاکرات کے لیے چار قدم بڑھائے مگر اب چالیس قدم پیچھے کر گیا، پاکستان ہے تو ہم ہیں، سیاست ہے، سب کچھ ہے۔