ڈائیلاگ ہو گا نہیں کرنا پڑے گا، چیزوں کو خراب کرنے میں پی ٹی آئی کا اپنا بڑا ہاتھ ہے : گورنر پنجاب

گورنر پنجاب کی تعزیت

رجوعہ سادات (ڈیلی پاکستان آن لائن) گورنر پنجاب سردار سلیم حیدر نے پیپلز پارٹی کے صوبائی جنرل سیکرٹری رہنما سید حسن مرتضیٰ کے والد کے انتقال پر اظہار تعزیت کیا۔

یہ بھی پڑھیں: پڑھے لکھے مگر کچھ ”میں“ والے انسان تھے، ایک بار انہیں ملنے گیا تو طویل انتظار کرایا، میں ملے بغیر یہ کہہ کر واپس آ گیا ”آپ سے ایسی توقع نہ تھی“

سیاسی سپیس کے حصول پر گفتگو

اس موقع پر میڈیا سے گفتگو کرتے ہوئے گورنر پنجاب نے کہا کہ "پولیٹیکل پارٹی اور پولیٹیکل لیڈر وہ ہوتا ہے جو پولیٹیکل سپیس حاصل کرے، یہ مانگنے سے نہیں ملتی نہ بھیک مانگنے سے، اور نہ کسی کی منت کرنے سے۔ لیڈر شپ تب مانی جاتی ہے جب وہ اپنی سپیس حاصل کرتے ہیں۔"

انہوں نے مزید کہا کہ "جب بھی ملک میں ڈکٹیٹر شپ آئی تو سیاسی جماعتوں کیلیے جینا دوبھر کر دیا گیا۔ اپنی جماعتیں بنائی گئیں اور کٹھ پتلیوں کو لایا گیا، لیکن پھر آپ نے دیکھا کہ سیاسی پارٹیز نے آہستہ آہست اپنی سپیس حاصل کی۔"

یہ بھی پڑھیں: ٹرین کے ذریعے پاکستانی جعلی کرنسی کی سمگلنگ ناکام

قائد اعظم اور نیلسن منڈیلا کی مثالیں

گورنر پنجاب نے مزید مثالیں دیتے ہوئے کہا کہ "دنیا کی تاریخ میں ان لیڈروں نے کامیابیاں حاصل کیں جنہوں نے ڈائیلاگ کیا، چاہے وہ نیلسن منڈیلا ہوں یا قائد اعظم محمد علی جناح۔ قائد اعظم نے 1906ء میں مسلم لیگ کی بنیاد رکھی تو کوئی لڑائی جھگڑا نہیں ہوا۔ انہوں نے ڈائیلاگ کے ذریعے 1947ء میں پاکستان بنانے میں کامیابی حاصل کی۔"

یہ بھی پڑھیں: فضائی حدود کی بندش، مودی کو جی 7 اجلاس سے واپسی پرکتنے گھنٹے کا اضافی سفر کرنا پڑا؟ جانئے

پی ٹی آئی اور سیاسی صورتحال

ایک سوال کے جواب میں گورنر سلیم حیدر نے کہا کہ "ڈائیلاگ ہونا پڑے گا۔ پی ٹی آئی کو بھی سوچنا چاہیے کہ عمران خان جیل میں ہیں، لیکن کیا یہ نہیں ہوا کہ عدم اعتماد کی صورت میں وہ اپنی اکثریت کھو بیٹھے؟ ہم موجودہ صورتحال کے حق میں نہیں ہیں، لیکن پی ٹی آئی کا اس میں بڑا ہاتھ ہے۔"

یہ بھی پڑھیں: وفاقی وزیر اطلاعات و نشریات عطاء اللہ تارڑ سے روس کے سفیر کی ملاقات

خیبر پختونخوا میں گورنر راج کے امکانات

خیبر پختونخوا میں گورنر راج کے امکان سے متعلق ایک سوال کے جواب میں، گورنر پنجاب نے کہا کہ "پیپلز پارٹی جمہوریت کی حمایت کرتی ہے، اور گورنر راج آئین کا حصہ ہے، لیکن ابھی اس پر بات نہیں کرنی چاہیے۔"

مولانا فضل الرحمن کے ساتھ مذاکرات

مولانا فضل الرحمن کے جارحانہ انداز پر گورنر نے کہا کہ "پیپلز پارٹی تمام سیاسی جماعتوں کو ساتھ لیکر چلنا چاہتی ہے، اور ہم ان سے بات چیت کرتے رہیں گے۔ ہمارے دروازے ان کے لیے ہمیشہ کھلے رہیں گے۔"