New Petition Filed Against Proposed Constitutional Amendments in Supreme Court

سپریم کورٹ میں نئی درخواست دائر

اسلام آباد (ڈیلی پاکستان آن لائن) سپریم کورٹ میں مجوزہ آئینی ترامیم کیخلاف نئی درخواست دائر ہو گئی۔

یہ بھی پڑھیں: اٹلی پاکستانی شہریوں کے لیے نوکریوں میں کوٹہ مختص کرنے والا پہلا یورپی ملک بن گیا

درخواست کی تفصیلات

سما ٹی وی کے مطابق نئی درخواست صائم چودھری ایڈووکیٹ کی جانب سے دائر کی گئی، درخواست میں وفاق، سپیکر قومی اسمبلی، چیئرمین سینیٹ اور وزارت قانون کو فریق بنایا گیا ہے۔

یہ بھی پڑھیں: معطل نہیں ہوا بلکہ اسلام آباد تبادلہ ہوا ہے، سرفراز چوہدری

درخواست کا موقف

درخواست میں موقف اختیار کیا گیا ہے کہ مجوزہ ترامیم بنیادی حقوق، آئین اور عدلیہ کی آزادی کے منافی ہیں۔ درخواست میں استدعا کی گئی ہے کہ مجوزہ آئینی ترامیم کو کالعدم قرار دیا جائے، ایگزیکٹو کو عدلیہ سے متعلق آئینی ترمیم کرنے سے روکا جائے۔

مزید استدعا اور تحفظات

درخواست میں مزید استدعا کی گئی ہے کہ ججز کی ریٹائرمنٹ کی عمر کا آرٹیکل 179 بنیادی آئینی ڈھانچہ قرار دیا جائے، اور یہ بھی قرار دیا جائے کہ حکومت عدلیہ کی آزادی اور غیرجانبداری میں مداخلت نہیں کر سکتی۔