بھارت دورے پر آئے مشہور فٹبالر میسی کے ذاتی طیارے کی حیران کن قیمت سامنے آگئی
لیونل میسی کا دورہ بھارت
لاہور (ویب ڈیسک) ارجنٹینا کے مشہور فٹبالر لیونل میسی 13 دسمبر سے دورہ بھارت پر ہیں۔ اس دورے کے دوران، جہاں میسی کے مداح ایک جھلک دیکھنے کے لیے قطار در قطار نظر آئے، وہیں ان کا 10 نمبر والا ذاتی جیٹ بھی توجہ کا مرکز بنا ہوا ہے۔
یہ بھی پڑھیں: چین نے اپنے ریٹائرڈ فائٹرجیٹ J6 کو جنگی ڈرون میں تبدیل کردیا
میسی کا پرتعیش جیٹ
میسی کا یہ منفرد جیٹ نہ صرف فٹبالر کی جائیداد میں شامل ایک مہنگا ترین اثاثہ ہے بلکہ یہ ان کی خواہش اور مرضی کے عین مطابق بھی ہے۔
یہ بھی پڑھیں: پاکستان میں سپر فلو پھیلنے لگا، راولپنڈی میں 4 مریض رپورٹ
جیٹ کی خصوصیات
رپورٹس کے مطابق لیونل میسی نے 2018 میں یہ گلف اسٹریم V پرائیوٹ جیٹ خریدا تھا، گلف اسٹریم V گلف اسٹریم IV کا ایک اپ گریڈ ورژن ہے جسے 1997 میں لانچ کیا گیا تھا۔
میسی کا یہ پرتعیش جیٹ 14 آرام دہ سیٹوں، کچن، 2 باتھ روم اور جدید سہولیات سے آراستہ ہے جس میں 16 مسافر ایک ساتھ سفر کر سکتے ہیں۔ اس طیارے کے پچھلے حصے میں نمبر 10 لکھا ہوا ہے جو ان کی فٹبال جرسی کا بھی نمبر ہے۔
خریداری کی تفصیلات
لیونل میسی کے اس جیٹ کی سیڑھیوں پر ان کی اہلیہ انتونیلا روکوزو سمیت ان کے تین بچوں تھیاگو، میٹیو اور سیرو کے نام درج ہیں۔
رپورٹ کے مطابق میسی نے اس پرائیوٹ جیٹ کو 2018 میں 15 ملین ڈالر (136 کروڑ بھارتی روپے) میں خریدا تھا۔ یہ جیٹ 51 ہزار فٹ کی بلندی تک پرواز کرسکتا ہے اور نیو یارک، ٹوکیو، لندن اور سنگاپور تک بغیر کسی وقفے کے سفر کر سکتا ہے۔
