4 سالہ مدت میں 60 ہزار شکایات کا ازالہ کیا جو ریکارڈ ہے: وفاقی ٹیکس محتسب ڈاکٹر آصف محمود جاہ

حلف اٹھانے کے بعد کی پہلی ملاقات

لاہور (ڈیلی پاکستان آن لائن) میں نے وفاقی ٹیکس محتسب کا حلف اٹھاتے ہی دفتر آکر سب ایڈوائزر کو کہا کہ ہمیں ٹیکس پیئر کو عزت دینی ہے، اور پھر 4 برسوں میں اس پر عمل کر کے بھی دکھایا۔

یہ بھی پڑھیں: رواں سال حج کا خطبہ کون دیں گے؟ سعودی حکومت نے اعلان کردیا۔

تقریب میں اظہار خیال

یہ خیالات ڈاکٹر آصف محمود جاہ نے ایوان صنعت و تجارت لاہور میں اپنے اعزاز میں منعقدہ تقریب سے خطاب کرتے ہوئے پیش کیے۔

یہ بھی پڑھیں: بھارتی معروف گلوکار اریجیت سنگھ کا فلموں کے لیے گانے نہ گانے کا اعلان

شکایات کا اندراج

انہوں نے کہا کہ 2000 سے 2021 تک صرف 37 ہزار کے قریب شکایات کا اندراج ہوا تھا جبکہ میرے دور کے 4 برسوں میں 60 ہزار شکایات کا اندراج ہوا، جو ایک ریکارڈ ہے۔ اس دوران، میں اپنے ایڈوائزر کے ساتھ ملک کے مختلف شہروں میں گیا، آگاہی مہم چلائی اور بتایا کہ اس ادارے کی کیا اہمیت ہے۔ ٹیکس پیئر نے بھی ہم پر اعتماد کیا اور چیمبر نے بھی ہمارے ساتھ بھرپور تعاون کیا۔

یہ بھی پڑھیں: ایڈز سے بچاؤ کے لیے آگاہی پھیلانے کی اشد ضرورت ہے: ڈاکٹر حاجی محمد حنیف

تقریب کی اہمیت

تقریب سے صدر ایوان صنعت و تجارت، فہیم سہگل نے کہا کہ ڈاکٹر آصف محمود جاہ جیسے لوگ ریٹائر نہیں ہوتے، بلکہ آپ جیسے اچھے لوگ ہمارا روشن چہرہ ہیں۔ آپ نے شمع روشن کی، ہم اس روشنی کے سفر کو آگے بڑھائیں گے۔

دیگر مقررین کا خطاب

تقریب سے کاشف انور، جاوید اقبال کارٹونسٹ، فیاض رانجھا اور دیگر مقررین نے بھی خطاب کیا اور ڈاکٹر آصف محمود جاہ کی خدمات کو زبردست خراج تحسین پیش کیا۔ تقریب کی نظامت ایڈوائزر میڈیا عبدالباسط خان نے کی۔