اپوزیشن جماعتوں کا اتحاد ضروری: تحریکِ تحفظِ آئینِ پاکستان کے وفد کی جماعتِ اسلامی کی قیادت سے ملاقات

تحریکِ تحفظِ آئینِ پاکستان کا دورہ

اسلام آباد (ڈیلی پاکستان آن لائن) تحریکِ تحفظِ آئینِ پاکستان کے وفد نے اسلام آباد میں جماعتِ اسلامی کے دفتر کا دورہ کیا۔ وفد میں سابق سپیکر قومی اسمبلی اسد قیصر اور سابق سینیٹر مصطفیٰ نواز کھوکھر شامل تھے۔ اس موقع پر تحریک تحفظ آئین پاکستان کے وفد نے جماعتِ اسلامی کی قیادت سے ملاقات کی۔ جماعتِ اسلامی کے مرکزی رہنما لیاقت بلوچ، میاں اسلم اور نصر اللّٰہ رندھاوا ملاقات میں شریک ہوئے۔

یہ بھی پڑھیں: اب میں ملک ہی نہیں دنیا بھی چلا رہا ہوں: ڈونلڈ ٹرمپ کا دعویٰ

اجلاس کی اہمیت

’’جنگ‘‘ کے مطابق، اسد قیصر نے کہا کہ اس وقت ہماری جدوجہد آئین کی سربلندی کے لیے ہے، جماعتِ اسلامی کو اپوزیشن کانفرنس میں شرکت کی دعوت دینے آئے ہیں۔ ہماری کانفرنس جمہوریت اور آئین کی بالادستی و بقاء کے لیے ہے، اور جماعتِ اسلامی کا ملک کی سیاست میں اہم کردار رہا ہے۔ خیبر پختون خوا اور بلوچستان کے مسائل بھی کسی سے ڈھکے چھپے نہیں۔ اس وقت ملک معاشی بدحالی کا شکار ہے۔ ہماری خواہش ہے کہ قومی کانفرنس میں حافظ نعیم الرحمان بھی شرکت کریں۔

جمعتِ اسلامی کی رائے

جماعتِ اسلامی کے رہنما لیاقت بلوچ نے کہا کہ آج پی ٹی آئی اور تحریکِ تحفظِ آئینِ پاکستان کا وفد آیا، ہمیں قومی کانفرنس میں شرکت کی دعوت دی گئی۔ ان کا دعوت نامہ امیرِ جماعتِ اسلامی حافظ نعیم الرحمان کو پہنچائیں گے۔ اس وقت آئین میں من پسند ترامیم کی جا رہی ہیں۔ افغانستان سے کہتے ہیں کہ اپنی سرزمین کسی کے خلاف استعمال نہ ہونے دے، جبکہ عام آدمی اس وقت سخت ترین حالات سے گزر رہا ہے۔ اس وقت اپوزیشن جماعتوں کا اتحاد بہت ضروری ہے۔