خواجہ آصف: بانی پی ٹی آئی گنڈاپور کو اسٹیبلشمنٹ سے تعلقات بہتر بنانے کے لئے استعمال کرنا چاہتے ہیں
خواجہ آصف کا الزام
اسلام آباد (ڈیلی پاکستان آن لائن ) وزیر دفاع خواجہ آصف نے دعویٰ کیا ہے کہ علی امین گنڈا پور نے ہفتے کو کے پی ہاوس سے غائب ہو کر رات عمر ایوب کے گھر گزاری۔
یہ بھی پڑھیں: تاریخی لمحہ: وزیراعظم شہباز شریف کی آسٹریا کے وفاقی چانسلر کرسچن اسٹاکر سے وفود کی سطح پر ملاقات میں جرمن زبان میں گفتگو، ویڈیو آپ بھی دیکھیں
پی ٹی آئی کا گرتا ہوا اثر
نجی ٹی وی جیو نیوز کے پروگرام میں بات کرتے ہوئے انہوں نے کہا کہ حکومت کیلئے پی ٹی آئی سے خطرہ ہونے کا تاثر اب زائل ہوگیا ہے۔
یہ بھی پڑھیں: مولانا فضل الرحمان سے ملاقات کے بعد پی ٹی آئی رہنما میڈیا سے بات کیے بغیر چلے گئے
سوشل میڈیا پر تبدیلی
انہوں نے کہا کہ دو دن پہلے تک پی ٹی آئی والے جو گالیاں سوشل میڈیا پر حکومت کو پڑواتے تھے، اب خود پی ٹی آئی کو پڑ رہی ہیں۔ پی ٹی آئی کا کارکن مایوس ہوچکا ہے۔
علی امین گنڈا پور کے مستقبل کے لائحہ عمل
خواجہ آصف نے کہا کہ بانی پی ٹی آئی علی امین گنڈاپور کے خلاف کوئی کارروائی نہیں کریں گے کیونکہ وہ مستقبل میں علی امین کو اسٹیبلشمنٹ سے تعلقات کی بہتری کیلئے استعمال کرنا چاہتے ہیں۔
