پنجاب اسمبلی کا 37 واں اجلاس کل طلب، ایجنڈا جاری کر دیا گیا

پنجاب اسمبلی کا اجلاس

لاہور (ڈیلی پاکستان آن لائن) پنجاب اسمبلی کے 37 ویں اجلاس کا ایجنڈا جاری کر دیا گیا ہے۔ اجلاس بروز جمعہ دوپہر 2 بجے شروع ہو گا۔ اجلاس کی صدارت سپیکر پنجاب اسمبلی ملک محمد احمد خان کریں گے۔

یہ بھی پڑھیں: توشہ خانہ کیس؛ قیمت کا تعین کرنیوالا صہیب عباسی وعدہ معاف گواہ بن چکا ہے،بیرسٹر سلمان صفدر

اجلاس کے ایجنڈے میں شامل نکات

اجلاس میں محکمہ زراعت سے متعلق ارکانِ اسمبلی کی جانب سے پوچھے گئے سوالات کے جوابات دیے جائیں گے، جبکہ ارکان اسمبلی زیرو آور کے نوٹسز بھی پیش کریں گے۔ اجلاس کے دوران 5 تحریکِ التواء کار ایوان میں زیرِ بحث آئیں گی۔

قانون سازی کا عمل

اس کے علاوہ اجلاس میں قانون سازی کا عمل بھی آگے بڑھے گا، دی پنجاب فلم ڈویلپمنٹ اتھارٹی بل 2025 پیش کیا جائے گا۔ اسی اجلاس میں پنجاب معذور افراد کو عطائے اختیار (ترمیمی) بل 2025 بھی ایوان میں پیش کیا جائے گا۔