مودی سرکار رافیل طیاروں کی ناکامی کے بعد نئے مہنگے عسکری سازوسامان کی خریداری کی خواہش مند
بھارتی دفاعی بجٹ میں اضافہ
نئی دہلی (مانیٹرنگ ڈیسک) معرکۂ حق میں پاکستان کے ہاتھوں رافیل طیاروں کی تباہی، دفاعی نظام ایس 400 کی ناکامی کے بعد بھارت نئے مہنگے عسکری سازوسامان کی خریداری کا خواہش مند ہے۔
یہ بھی پڑھیں: اوورسیز پاکستانیوں کی خدمات کے اعتراف میں “فرزندِ پاکستان ایوارڈ” چوہدری شفقت محمود کے نام
خطے میں عدم توازن
رپورٹس کے مطابق بھارت کا بڑھتا دفاعی بجٹ خطے میں عدم توازن کا باعث بننے لگا۔ "جیو نیوز" کے مطابق بھارتی حکومت مالی سال 2026-27 کے بجٹ میں 20 سے 25 فیصد تک دفاعی شعبے میں اضافے پر غور کر رہی ہے۔ "آپریشن سندور ٹو" کو بنیاد بنا کر دفاعی بجٹ میں اضافہ اور نئے اور جدید ہتھیاروں کی خریداری کی راہ ہموار کی جا رہی ہے۔
پاکستان اور بھارت کا دفاعی بجٹ
پاکستان کے ہاتھوں رافیل اور دیگر طیاروں کی تباہی اور دفاعی نظام ایس 400 کی ناکامی کے بعد بھارت نئے مہنگے عسکری سازوسامان کی خریداری کرنے کا خواہش مند ہے۔ پاکستان کا دفاعی بجٹ مجموعی قومی پیداوار کا صرف 1.97 فیصد ہے جبکہ بھارت کا دفاعی بجٹ 6.81 کھرب بھارتی روپے ہے جو 78.70 ارب امریکی ڈالر کے برابر ہے۔
