قومی کرکٹ ٹیم اگلے سال دو ٹیسٹ میچز کھیلنے کے لیے ویسٹ انڈیز کا دورہ کرے گی

پاکستان کا ویسٹ انڈیز دورہ

لاہور (ڈیلی پاکستان آن لائن) قومی کرکٹ ٹیم اگلے سال دو ٹیسٹ میچز کھیلنے کے لیے ویسٹ انڈیز کا دورہ کرے گی۔ یہ دورہ 15 جولائی سے 7 اگست تک جاری رہے گا، جس کے دوران پاکستان اور ویسٹ انڈیز کے درمیان دو ٹیسٹ میچز کی سیریز کھیلی جائے گی۔

یہ بھی پڑھیں: صدرِ مملکت نے اینٹی ڈمپنگ ڈیوٹیز ترمیمی بل 2025ء کی منظوری دے دی

دورے کی تصدیق

ویسٹ انڈیز کرکٹ بورڈ کے نائب صدر عظیم بسارتھ نے پاکستان کے دورے کی باضابطہ تصدیق کر دی ہے۔ ان کے مطابق یہ دونوں ٹیسٹ میچز فیوچر ٹور پروگرام (ایف ٹی پی) کا حصہ ہیں اور آئی سی سی ورلڈ ٹیسٹ چیمپئن شپ میں بھی شمار ہوں گے۔

سیریز کی میچ لوکیشن

سیریز کا پہلا ٹیسٹ میچ ٹرینیڈاڈ اینڈ ٹوباگو کے تاریخی کوئینز پارک اوول میں جبکہ دوسرا ٹیسٹ برائن لارا کرکٹ اکیڈمی میں کھیلا جائے گا۔ اس سے قبل پاکستان ٹیم ٹرینیڈاڈ میں واقع برائن لارا اکیڈمی میں چار روزہ وارم اپ میچ بھی کھیلے گی۔