پائلٹ نے بھارت میں جہاز اُڑانے سے انکار کیا، حیران کن وجہ سامنے آئی!
بھارت میں انڈیگو کی پرواز میں 5 گھنٹے کی تاخیر
نئی دہلی (ویب ڈیسک) بھارت میں انڈیگو کی ایک پرواز اس وقت 5 گھنٹے تاخیر کا شکار ہوگئی جب پائلٹ نے جہاز اُڑانے سے عین موقع پر انکار کردیا۔
یہ بھی پڑھیں: واضح کردوں دونوں ججز نے خود بنچ سے علیحدگی اختیار کی، 2 ممبران کی خواہش پر 11 رکنی بنچ تشکیل دیا گیا، جسٹس امین الدین کا فیصل صدیقی کے اعتراض پر جواب
پائلٹ کا انکار اور پرواز کی تاخیر
میڈیا رپورٹس کے مطابق پائلٹ نے ڈیوٹی کے اوقات مکمل ہونے کا حوالہ دیتے ہوئے مسافروں سے بھرے طیارے کو اڑانے سے انکار کر دیا جس پر پونے سے بنگلورو کے لیے پرواز پانچ گھنٹے تاخیر کا شکار ہوئی۔
یہ بھی پڑھیں: بیوی کی بلیک میلنگ سے تنگ آدمی کی خود کشی، آخری پوسٹ میں ایلون مسک اور ٹرمپ کو ٹیگ کردیا، ایسی کہانی کہ ہر آنکھ اشکبار ہوجائے
سوشل میڈیا پر واقعے کا ردعمل
اس حالیہ واقعے نے سوشل میڈیا پر ایک طوفان برپا کر دیا ہے۔ نیوز 18 کی خبر کے مطابق پرواز جو پونے سے 12:45 بجے اڑان بھرنے والی تھی آخر کار صبح 5:44 پر روانہ ہوئی اور صبح 6:49 بجے بنگلورو میں اتری۔
یہ بھی پڑھیں: شکیب الحسن نے حسینہ واجد کے ملک سے جانے کے بعد عوام سے معافی مانگ لی
مسافروں اور عملے کی بحث
عملے اور مسافروں کے درمیان تصادم کی ایک ویڈیو صارف نے X پر پوسٹ کی جس کے کیپشن میں لکھا گیا IndiGo کی پرواز پونے سے بنگلورو تک اس وقت 5 گھنٹے تاخیر کا شکار ہوئی جب پائلٹ نے اپنے کام کے اوقات ختم ہونے کی وجہ سے ٹیک آف کرنے سے انکار کر دیا۔
مسافروں کو نہ تو ناشتہ دیا گیا اور نہ ہی کوئی معاوضہ۔ کسٹمر سروس مطلق نظر انداز کردی گئی۔
یہ بھی پڑھیں: ملزمان کی بروقت شناخت کیلئے ڈی این اے کا مرکزی ڈیٹا بیس بنانے کا فیصلہ
مسافروں کی مایوسی
ویڈیو میں دیکھا جا سکتا ہے کہ فلائٹ کے اندر تقریباً 200 مسافروں نے ایک خاتون کیبن کریو سے بحث اور التجا کی جب خاتون نے بتایا کہ پائلٹ ٹیک آف نہیں کرے گا۔
پائلٹ کی خاموشی
ویڈیو میں دیکھا جاسکتا ہے کہ جب مسافر پائلٹ کو پکارتے ہیں اور اس سے جواب مانگتے ہیں تو اسے کاک پٹ کا دروازہ بند کرتے دیکھا جا سکتا ہے۔
