نجی ہاوسنگ سوسائٹی کو فائدہ پہنچانے والی سڑک سے متعلق سوال پوچھنا میرا حق تھا،سینیٹر پلوشہ خان

اسلام آباد میں پیپلزپارٹی کی سینیٹر پلوشہ خان کا بیان

پیپلزپارٹی کی سینیٹر پلوشہ خان نے کہا کہ نجی ہاوسنگ سوسائٹی کو فائدہ پہنچانے والی سڑک سے متعلق سوال پوچھنا ان کا حق تھا۔ انہوں نے وضاحت کی کہ جب اس معاملے کو ایجنڈے میں شامل کیا گیا تو وفاقی وزیر علیم خان نے اپنی جانب سے جواب دیا، جس پر وہ بھڑک اٹھے۔

یہ بھی پڑھیں: اس سال پنجاب میں مون سون بارشوں کے دوران 151افراد جاں بحق اور 538زخمی ہوئے، پی ڈی ایم اے

سوالات کا جواب دینا کابینہ کی ذمہ داری

میڈیا سے گفتگو کرتے ہوئے پلوشہ خان نے مزید کہا کہ منتخب نمائندوں کے سوالات کا جواب دینا کابینہ اراکین کی ذمہ داری ہے۔ انہوں نے اس بات پر زور دیا کہ دھمکیوں اور نامناسب زبان کا استعمال پارلیمانی روایت کو مجروح کرتا ہے۔

این ایچ اے کی کرپشن اور پارٹی کی کاروائی

انہوں نے کہا کہ این ایچ اے کی کرپشن کسی سے چھپی نہیں اور وہ اس بارے میں کمیٹی میں ہونے والی بدتمیزی کے معاملے کو پارٹی کی سطح پر اٹھائیں گی۔ ان کا یہ بھی کہنا تھا کہ وزیر اعظم کو ایسے وزرا کو کابینہ سے نکال دینا چاہیے۔

این ایچ اے کی کرپشن کسی چھپی نہیں ہے، کمیٹی میں ہونے والی بدتمیزی کے معاملے کو پارٹی کی سطح پر اٹھاؤں گی۔ وزیر اعظم کو بھی اس طرح کے وزرا کو کابینہ سے نکلنا چاہیے، سینٹر پلوشہ خان pic.twitter.com/3WEv20JNOh