ماضی میں ٹوتھ برش بیچنے والا، اب 13 ہزار کروڑ کا مالک: کیا شاہ رخ سے بھی امیر ہے؟

بالی وڈ کا امیر ترین پروڈیوسر

ممبئی (ڈیلی پاکستان آن لائن) بالی وڈ انڈسٹری کے امیر ترین افراد کی فہرست میں سب سے پہلے ذہن میں شاہ رخ خان اور بگ بی امیتابھ بچن جیسی شخصیات آتی ہیں۔

یہ بھی پڑھیں: اسلام آباد،راولپنڈی اور لاہور میں موبائل سروس بند

رونی اسکریو والا کی کامیابی

تاہم، آپ کو جان کر حیرت ہوگی کہ بالی وڈ کی امیر ترین شخصیت کوئی اداکار نہیں، بلکہ ’پان سنگھ تومر‘، ’تھینک یو‘، اور ’مرد کو درد نہیں ہوتا‘ جیسی کامیاب فلمیں بنانے والے پروڈیوسر رونی اسکریو والا ہیں۔

یہ بھی پڑھیں: وزیراعظم شہباز شریف ترکیہ کا دورہ مکمل کرکے تہران پہنچ گئے

فوربز کی رپورٹ

فوربز کی جانب سے جاری کی گئی رپورٹ میں رونی اسکریو والا کو بالی وڈ کا امیر ترین شخص قرار دیا گیا ہے۔ رپورٹ کے مطابق، رونی کے اثاثوں کی مجموعی مالیت 1.55 بلین ڈالر، یعنی تقریباً 13 ہزار کروڑ بھارتی روپے ہے۔

یہ بھی پڑھیں: پنجاب یونیورسٹی کالج آف آرٹ اینڈ ڈیزائن کے زیر اہتمام فن پاروں کی نمائش

بھارتی میڈیا کی معلومات

بھارتی میڈیا کا دعویٰ ہے کہ رونی بھارتی سنیما سے منسلک واحد ارب پتی ہیں جن کی جائیداد کی مالیت 13 ہزار کروڑ بھارتی روپے ہے۔ اس فہرست میں دوسرا نمبر بھوشن کمار کا ہے، جن کے اثاثوں کی مجموعی مالیت 1.2 بلین ڈالر ہے۔ اس کے بعد آدتیہ چوپڑا اور شاہ رخ خان ہیں، جن کے اثاثوں کی مجموعی مالیت 850 ملین ڈالر سے زائد ہے۔

یہ بھی پڑھیں: نشونما پروگرام میں 97 ارب روپے کی تقسیم، مفتاح اسماعیل کی کمپنی کو مبینہ طور پر ٹھیکہ دیے جانے کا انکشاف

رونی کی شروعات

بھارتی میڈیا کے مطابق، رونی اسکریو والا ہمیشہ اتنے امیر نہیں رہے۔ انہوں نے اپنے کیریئر کا آغاز ایک ٹوتھ برش بنانے والے کاروبار سے کیا لیکن 1970 کے بعد بھارت میں سنیما کی مقبولیت کو دیکھتے ہوئے، رونی نے ٹیلی ویژن پروڈکشن کمپنی میں 37 ہزار بھارتی روپے کی سرمایہ کاری کی، جس کے بعد ان کے پروڈکشن ہاؤس میں کئی کامیاب فلمیں تیار کی گئیں۔

ڈزنی کے ساتھ بڑا معاہدہ

2012 میں، رونی نے اپنی کمپنی ڈزنی کو ایک بلین ڈالر میں بیچ دیا، جو کہ سنیما کی تاریخ کی سب سے بڑی ڈیل کہلائی۔ اس کے بعد، رونی نے آر ایس وی پی موویز قائم کی اور اپنے نئے پروڈکشن کمپنی سے بالی وڈ فلم ’اڑی‘ اور ’کیدر ناتھ‘ جیسی فلمیں تیار کیں۔