15 جنوری کو پورے ملک میں عوامی ریفرنڈم ہوگا اور پھر چاروں صوبائی اسمبلیوں کی جانب مارچ کریں گے، امیر جماعت اسلامی نعیم الرحمان

عوامی ریفرنڈم کی کال

راولپنڈی (ڈیلی پاکستان آن لائن) جماعت اسلامی پاکستان کے امیر حافظ نعیم الرحمان نے کہا ہے کہ 15 جنوری کو پورے ملک میں عوامی ریفرنڈم ہوگا اور پھر چاروں صوبائی اسمبلیوں کی جانب مارچ کریں گے۔

یہ بھی پڑھیں: یہ فائنل کال نہیں مس کال تھی، پی ٹی آئی والے دم دبا کر بھاگے ہیں: عطاء تارڑ

دھرنے کی اہمیت

راولپنڈی لیاقت روڈ پر جماعت اسلامی کے زیر اہتمام بلدیاتی ایکٹ پنجاب کے خلاف دھرنا کے شرکا سے خطاب کرتے ہوئے امیر جماعت اسلامی حافظ نعیم الرحمان نے کہا کہ بارش کے باوجود دھرنا کرنے پر آپ سب کو خراج تحسین پیش کرتا ہوں۔

یہ بھی پڑھیں: جب دس بارہ ہزار افراد کے سامنے خیالات کا اظہار کیا تو پورے ہال نے پاکستان زندہ باد کے نعرے لگائے،ہر ملزم کے خاندان کی بحالی کیلئے کام کیا جانا چاہیے

سیاسی حالات پر تنقید

انہوں نے کہا کہ گزشتہ سال 14 دن دھرنا دیا تھا کیا اب بھی آپ تیار ہیں، فارم 47 کی پیدوار قوتیں اسٹیبلشمنٹ نے حکومت میں بٹھا دی ہیں، اسمبلی میں بیٹھے سارے لوگ جیتے نہیں بلکہ انہیں مسلط کیا گیا ہے۔

یہ بھی پڑھیں: انسداد دہشتگردی عدالت نے اعظم سواتی کو جوڈیشل ریمانڈ پر جیل بھیج دیا

آئینی جدوجہد کی ضرورت

حافظ نعیم الرحمان نے کہا کہ ہمیں آئین کے لیے طویل جدوجہد کرنی ہے، پاکستان تحریک انصاف (پی ٹی آئی) اور مسلم لیگ(ن) نے 6 برسوں سے بلدیاتی انتخابات نہیں کروائے، ایک خاندان، چوہدری اور وڈیرے پنجاب میں اور سندھ میں زرداری حکومت بناتے ہیں۔

یہ بھی پڑھیں: آپ کا آج (ہفتے) کا دن ستاروں کی روشنی میں کیسا رہے گا ؟

تعلیمی نظام کی صورتحال

امیر جماعت اسلامی نے کہا کہ احسن اقبال کہہ رہے تھے کہ دو کروڑ 62 لاکھ بچے اسکول نہیں جاتے، یہ تین سال پرانی رپورٹ ہے، جبکہ اب یہ لوگ اسکولوں کو آؤٹ سورس کر رہے ہیں، اچھی حکومت کیوں اسکول نہیں چلا رہی۔

یہ بھی پڑھیں: پاکستان کرپٹو کونسل اور ورلڈ لبرٹی فنانشل کے درمیان معاہدے پر دستخط ہوگئے، اعلامیہ جاری

ٹیکس پالیسیاں اور کرپشن

ان کا کہنا تھا کہ غریبوں پر نئے ٹیکس لگائے جا رہے ہیں، عالمی مارکیٹ میں پیٹرول کی قیمت پانچ سال کی کم ترین سطح پر ہے۔ امیر جماعت اسلامی نے کہا کہ فیڈرل بورڈ آف ریونیو (ایف بی آر) تو خود کرپشن کرتا ہے، ڈپٹی کمشنر میئر کے ماتحت ہونا چاہیے، ہم عدالت میں بھی گئے ہیں کل عدالت نے طلب کیا ہوا ہے۔

یہ بھی پڑھیں: ستمبر 2025 میں پاکستان کی آئی ٹی برآمدات کا حجم 36 کروڑ 60 لاکھ ڈالر تک جا پہنچا

عدالتی نظام میں خامیاں

انہوں نے کہا کہ عدالت کا نظام انصاف نہیں دے رہا ہے، یہ گلا سڑا نظام ہے، یہ نظام فوجی ڈکٹیٹروں نے یا ان کے ہاتھوں بننے والے حکمرانوں نے بنایا یہ اپنے فیلیئر کا اعلان کیوں نہیں کرتے، انہوں نے تو ملک توڑ دیا۔

عوام کی رائے اور مستقبل کے منصوبے

ان کا کہنا تھا کہ ہم لوگوں سے پوچھیں گے کہ آپ عدل کا نظام چاہتے ہیں یا نہیں، یہ نظام تبدیل کرنا چاہتے ہیں یا نہیں، عوام کی رائے لے کر پوری دنیا کو بتائیں گے کہ عوام کیا چاہتے ہیں۔ حافظ نعیم الرحمان نے کہا کہ اس وقت کراچی سے خیبر تک دھرنے جاری ہیں، 15 جنوری تک ہمیں آرام سے نہیں بیٹھنا ہے، سب کو ایک پیج پر لے کر آنا ہے، عوام کے ریفرنڈم کے نتائج اکٹھے کریں گے پھر چاروں صوبائی اسمبلیوں کی جانب مارچ کریں گے۔