خواتین کا غیر ملکی سیاحوں کے ساتھ عارضی شادی کا انکشاف انڈونیشیا کے دیہات میں

عارضی شادیاں: ایک بڑھتا ہوا رجحان

جکارتہ (ویب ڈیسک)غیر ملکی اخبار اینجلس ٹائمز نے اپنی رپورٹ میں دعویٰ کیا ہے کہ انڈونیشیا کے دیہات میں سیروتفریح کیلئے آنے والے سیاحوں کے ساتھ عارضی شادی کا رجحان پروان چڑھ رہاہے۔ اس دوران مخصوص مدت کیلئے شادی کی جاتی ہے اور اس کے عوض رقم حاصل کی جاتی ہے۔ بعد میں یہ شادی صرف مختصر وقت کے بعد طلاق پر ختم ہوجاتی ہے۔

یہ بھی پڑھیں: ہرنائی میں شہید ہونیوالے پاک فوج کے 2 جوانوں کے بارے میں اضافی معلومات سامنے آگئیں

علاقے میں خواتین کی صورت حال

غیر ملکی میڈیا رپورٹ کے مطابق انڈونیشیا کے دیہات میں غریب گھرانوں کی خواتین پیسے کے عوض مالدار غیر ملکی سیاحوں کے ساتھ 'عارضی شادی' کر رہی ہیں، جن میں زیادہ تر مردوں کا تعلق مشرق وسطیٰ سے ہے۔ یہ کام مغربی انڈونیشیا کے ایک مشہور سیاحتی مقام پنکاک (Puncak) میں ہو رہا ہے۔ وہاں آنے والے سیاح گاؤں کی خواتین سے عارضی طور پر شادی کر کے انہیں رقم دیتے ہیں، بعدازاں کچھ روز بعد شادی کا اختتام طلاق پر ہوجاتا ہے۔

یہ بھی پڑھیں: ٹم کُک سے گزشتہ روز تکرارہوئی، ایپل کو بھارت میں موبائل فون تیار نہیں کرنے چاہئیں: ڈونلڈ ٹرمپ

عارضی شادیوں کی ایجنسیز

عارضی شادیاں کروانے کا پورا انٹظام باقاعدہ ایجنسیز کے ہاتھوں میں ہے جو انڈونیشیا کے کوٹہ بنگا ریزورٹ میں یہ کام انجام دیتی ہیں۔ لاس اینجلس ٹائمز کی ایک رپورٹ کے مطابق (pleasure marriages) ایک منافع بخش مگر گھناؤنا کاروبار بن چکا ہے۔ رپورٹ میں بتایا گیا کہ اس کام سے سیاحت اور مقامی معیشت کو بھی فروغ حاصل ہو رہا ہے۔

یہ بھی پڑھیں: پندرہ ماہ کے دوران 287 سے زائد پولیس افسران و اہلکاروں کے خلاف سنگین نوعیت کے مقدمات درج ہونے کا انکشاف

کاہیا کا دردناک تجربہ

انڈونیشیا کی ایک نوجوان خاتون کاہیا نے ایک عارضی بیوی کے طور پر اپنا دردناک تجربہ شیئر کیا۔ خاتون نے غیر ملکی میڈیا کو بتایا کہ اس نے مشرق وسطیٰ کے سیاحوں سے 15 سے زائد شادیاں کی ہیں۔ اس کے پہلے عارضی شوہر (ایک 50 سالہ سعودی) نے اسے 850 ڈالر (2 لاکھ 37 ہزار پاکستانی روپے) ادا کیے تھے۔ لیکن جب ایجسنی کے اہلکاروں نے خاتون سے اپنا حصہ لیا تو اسے صرف آدھا ہی ملا۔ شادی کے پانچ دن بعد وہ شخص گھر واپس چلا گیا اور ان کے درمیان 'طلاق' ہوگئی۔

یہ بھی پڑھیں: امریکہ کے صدارتی انتخابات 2024 کے نتائج

معاشرتی مشکلات اور قانونی پیچیدگیاں

کاہیا نے انکشاف کیا کہ وہ فی شادی سے 300 ڈالر سے 500 ڈالر کے درمیان کماتی ہے، جس سے بمشکل وہ اپنے گھر کا کرایہ ادا کرتی ہیں اور اپنے بیمار دادا دادی کی کفالت کرتی ہیں۔ کاہیا نے بتایا کہ ان کے اس کام کی وجہ سے ان کے شوہر اور بیٹی دونوں ان سے علیحدہ ہو چکے ہیں۔

قانونی حیثیت

میڈیا رپورٹس کے مطابق، ان عارضی شادیوں کو انڈونیشیا کے قانون نے بھی تسلیم نہیں کیا، کیونکہ یہ شادی کے بنیادی مقصد کو شدید نقصان پہنچانے کا سبب بنتی ہیں۔