حنہ آفریدی اور تیمور اکبر نے منگنی کرلی، شادی کی تاریخ بھی بتادی
منگنی کا اعلان
کراچی(ڈیلی پاکستان آن لائن) پاکستانی اداکارہ اور ماڈل حنا آفریدی اور معروف کانٹینٹ کریئیٹر تیمور اکبر، جنہیں مداح Taimoori کے نام سے جانتے ہیں، نے منگنی کا باضابطہ اعلان کر کے مداحوں کو خوشگوار حیرت میں مبتلا کر دیا۔
یہ بھی پڑھیں: کینیڈا میں سکھوں نے مودی کے پتلے جلا دیئے، ہندوؤں کو ڈی پورٹ کرنے کا مطالبہ
دلکش ویڈیو کی شیئرنگ
جوڑے نے ایک مشترکہ انسٹاگرام پوسٹ کے ذریعے اپنی منگنی کی دلکش ویڈیو شیئر کی، جس میں کلاسک اور اولڈ سکول انداز نمایاں تھا۔ ویڈیو میں حنا آفریدی بٹر یلو شلوار قمیض میں نہایت دلکش نظر آئیں، جبکہ تیمور اکبر نے سفید شرٹ میں سادہ مگر سٹائلش لک مکمل کیا۔
یہ بھی پڑھیں: وزیراعلیٰ مریم نواز کا ٹانک میں 8 دہشت گرد جہنم واصل کرنے پر سیکیورٹی فورسز کو خراج تحسین
کیپشن اور خاص لمحات
ویڈیو کے ساتھ کیپشن میں لکھا تھا کہ بسم اللّٰہ کی جائے، جس نے اس خوبصورت آغاز کو مزید خاص بنا دیا۔
یہ بھی پڑھیں: 7 سال سے لاپتا شوہر کو پہلی بیوی نے انسٹا ریلز پر دوسری بیوی کے ساتھ پکڑ لیا
شادی کی تاریخ
انسٹاگرام پر جاری ویڈیو کے آخر میں شادی کی تاریخ بھی بتائی گئی ہے، جس کے مطابق دونوں آئندہ سال 2026 میں جنوری کی 16 تاریخ کو شادی کے بندھن میں بندھ جائیں گے۔
یہ بھی پڑھیں: پی ٹی آئی والے اس بار اٹھائے گئے تو 2،3 ماہ پتا بھی نہیں چلے گا کہ کہاں گئے؟ سابق گورنر سندھ محمد زبیر
مداحوں کا ردعمل
منگنی کی خبر سامنے آتے ہی شوبز ستاروں اور مداحوں کی جانب سے مبارکبادوں کا سلسلہ شروع ہو گیا۔ اداکارہ مایا علی، صبور علی، امر خان، زارا نور عباس اور دیگر نے خوشی اور نیک تمناؤں کا اظہار کیا۔
یہ بھی پڑھیں: پچ سے متعلق غلط پیشگوئی پر ڈیوڈ وارنر نے شاہین کا مذاق اڑادیا
حنا آفریدی کا کیریئر
واضح رہے کہ حنا آفریدی نے اپنے کیریئر کا آغاز ماڈلنگ سے کیا اور بعد ازاں اداکاری کے میدان میں قدم رکھا۔ وہ فیصل قریشی اور فیروز خان جیسے بڑے ناموں کے ساتھ کام کر چکی ہیں اور ملک کے نامور برانڈز کے لیے ماڈلنگ بھی کر چکی ہیں۔
تیمور اکبر کی تخلیقیت
دوسری جانب، تیمور اکبر نے سوشل میڈیا پر اپنی تخلیقی ویڈیوز اور منفرد کانٹینٹ کے ذریعے ایک مضبوط فین بیس بنائی ہے۔
