مریم نواز کا اقدام، پنجاب فاریسٹ ایکٹ میں تبدیلی، نوٹیفکیشن جاری

وزیراعلیٰ مریم نواز کا اہم اقدام

لاہور(ڈیلی پاکستان آن لائن) پنجاب میں جنگلات اور ماحولیات کا نظام کرپشن فری بنانے کے لیے وزیراعلیٰ مریم نواز نے اہم قدم اٹھا لیا، 100 سال بعد انگریز دور کے بنائے گئے فاریسٹ ایکٹ میں تبدیلی کردی گئی۔

یہ بھی پڑھیں: قائد اعظمؒ نے مسلمانان ہند کو نظریہ، شعور اور خودمختار ریاست دی: محسن نقوی

ای پی اے کا نوٹیفکیشن

روزنامہ جنگ کے مطابق ماحولیاتی تحفظ کے ادارے (ای پی اے) کے ڈائریکٹر جنرل ڈاکٹر عمران حامد شیخ نے نوٹیفکیشن جاری کر دیا۔

یہ بھی پڑھیں: بلوچستان میں غیرت کے نام پر ایک بیٹی کا قتل پوری انسانیت کے ضمیر پر حملہ ہے:وزیراعلیٰ مریم نواز

جدید ٹیکنالوجی کا استعمال

ترجمان پنجاب حکومت کے مطابق ماحول کے تحفظ کا ادارہ (ای پی اے) جدید ٹیکنالوجی کے نظام ای فوس سے منسلک کردیا گیا ہے، اب ہر دستاویز پر مخصوص حوالہ نمبر اور کیو آر کوڈ ہوگا۔

یہ بھی پڑھیں: سموگ پر لانگ ٹرم پالیسی ،10مرلہ گھروں میں واٹر ٹریٹمنٹ پلانٹ لگانا لازمی قراردیا جائے،لاہور ہائیکورٹ

یادداشت کی اہمیت

نوٹی فکیشن میں کہا گیا ہے کہ ماحولیات سے متعلق محکمے جدید ڈیجیٹل نظام ای فوس کے بغیر حکم جاری کریں گے نہ منظوری دیں گے۔ ڈیجیٹل نظام ای فوس کے سوا حکم جاری کرنے، منظوری دینے یا کوئی انتظامی فیصلہ کرنے والے کے خلاف کاروائی ہوگی۔

یہ بھی پڑھیں: اگر ڈونلڈ ٹرمپ اور فیلڈ مارشل عاصم منیر کی ملاقات میں پاکستان سے ایران اور اسرائیل کے درمیان کشیدگی کے حوالے سے مدد مانگی گئی تو یہاں سے پاک امریکہ تعلقات کا نیا دور شروع ہو گا،، صحافی عمر اظہر کا تجزیہ

امپورٹ لائسنس کا جدید طریقہ

امپورٹ لائسنس کا اجراء بھی مکمل طور پر ای فوس ڈیجیٹل نظام سے ہی ہوگا، لیبارٹری سرٹیفکیشن، پروٹیکشن آرڈرز اور سرکاری سفارشات کا اجراء بھی ای فوس کے ذریعے ہوگا۔

وزیراعلیٰ کا بیان

وزیراعلی مریم نواز کا کہنا ہے کہ جدید ڈیجیٹل نظام جعلسازی اور غیرقانونی اجازت ناموں کا خاتمہ ہے، ماحول کے تحفظ کے ساتھ کرپشن کے خاتمے کو بھی یقینی بنا رہے ہیں۔