مریم نواز کا اقدام، پنجاب فاریسٹ ایکٹ میں تبدیلی، نوٹیفکیشن جاری

وزیراعلیٰ مریم نواز کا اہم اقدام

لاہور(ڈیلی پاکستان آن لائن) پنجاب میں جنگلات اور ماحولیات کا نظام کرپشن فری بنانے کے لیے وزیراعلیٰ مریم نواز نے اہم قدم اٹھا لیا، 100 سال بعد انگریز دور کے بنائے گئے فاریسٹ ایکٹ میں تبدیلی کردی گئی۔

یہ بھی پڑھیں: بھارتی پروفیسر نے مودی کے معیشت کو لیکر بڑے دعوﺅں کا بھانڈا پھوڑ دیا

ای پی اے کا نوٹیفکیشن

روزنامہ جنگ کے مطابق ماحولیاتی تحفظ کے ادارے (ای پی اے) کے ڈائریکٹر جنرل ڈاکٹر عمران حامد شیخ نے نوٹیفکیشن جاری کر دیا۔

یہ بھی پڑھیں: شادی کی بھی ایکسپائری ڈیٹ ہونی چاہیے، کاجول ، ٹوئنکل کے جملوں نے نئی بحث چھیڑ دی

جدید ٹیکنالوجی کا استعمال

ترجمان پنجاب حکومت کے مطابق ماحول کے تحفظ کا ادارہ (ای پی اے) جدید ٹیکنالوجی کے نظام ای فوس سے منسلک کردیا گیا ہے، اب ہر دستاویز پر مخصوص حوالہ نمبر اور کیو آر کوڈ ہوگا۔

یہ بھی پڑھیں: کوئی ہو یا نہ ہو ،26 ویں آئینی ترمیم پاس ہو جائے گی: فیصل واوڈا

یادداشت کی اہمیت

نوٹی فکیشن میں کہا گیا ہے کہ ماحولیات سے متعلق محکمے جدید ڈیجیٹل نظام ای فوس کے بغیر حکم جاری کریں گے نہ منظوری دیں گے۔ ڈیجیٹل نظام ای فوس کے سوا حکم جاری کرنے، منظوری دینے یا کوئی انتظامی فیصلہ کرنے والے کے خلاف کاروائی ہوگی۔

یہ بھی پڑھیں: محکمہ موسمیات کی ملک کے بیشتر علاقوں میں موسم شدید سرد رہنے کی پیشگوئی

امپورٹ لائسنس کا جدید طریقہ

امپورٹ لائسنس کا اجراء بھی مکمل طور پر ای فوس ڈیجیٹل نظام سے ہی ہوگا، لیبارٹری سرٹیفکیشن، پروٹیکشن آرڈرز اور سرکاری سفارشات کا اجراء بھی ای فوس کے ذریعے ہوگا۔

وزیراعلیٰ کا بیان

وزیراعلی مریم نواز کا کہنا ہے کہ جدید ڈیجیٹل نظام جعلسازی اور غیرقانونی اجازت ناموں کا خاتمہ ہے، ماحول کے تحفظ کے ساتھ کرپشن کے خاتمے کو بھی یقینی بنا رہے ہیں۔