لاہور سے اسلام آباد آنے والی ٹرین حادثے میں بال بال بچ گئی

ٹرین حادثہ لاہور سے اسلام آباد کی طرف

لاہور(ڈیلی پاکستان آن لائن): لاہور سے اسلام آباد آنے والی ٹرین ایک بڑے حادثے سے بال بال بچ گئی۔

لالا موسیٰ سٹیشن کے قریب اسلام آباد ایکسپریس ٹرین کا ویل ٹوٹ گیا۔ خوش قسمتی سے، ڈرائیور نے بروقت بریک لگا کر ٹرین کو حادثے سے محفوظ رکھا۔

ترجمان ریلویز کا کہنا ہے کہ متاثرہ ٹرین کی بحالی کے لیے ریلوے کی ٹیم مصروف عمل ہے۔ بحالی کا عمل مکمل ہوتے ہی ٹرین روانہ کی جائے گی۔

دوسری جانب، ٹرین کے ویل ٹوٹنے کی وجوہات جاننے کے لیے تحقیقات جاری ہیں۔