لاہور میں بسنت کی حتمی تیاریاں جاری، لاہور میں 40 علاقوں کو ریڈ زون قرار دیدیا گیا
بسنت کے تہوار کی تیاریاں
لاہور (ڈیلی پاکستان آن لائن) لاہور میں بسنت کے تہوار کی ممکنہ تقریبات کے حوالے سے حتمی تیاریاں جاری ہیں، جن کے تحت عوامی تحفظ کو یقینی بنانے کے لیے شہر میں 40 مقامات کو ریڈ زون قرار دیا گیا ہے۔
یہ بھی پڑھیں: ملک میں تیل و گیس کے نئے ذخائر دریافت
سیکیورٹی پلان
تفصیلات کے مطابق لاہور پولیس نے بسنت کے دوران امن و امان برقرار رکھنے کے لیے جامع سیکیورٹی پلان کو حتمی شکل دے دی ہے، جبکہ پولیس اور ٹریفک وارڈنز پر مشتمل مشترکہ ٹیمیں بھی تشکیل دی گئی ہیں۔
یہ بھی پڑھیں: سانحۂ اسلام آباد، سندھ حکومت نے کلچرل نائٹ موسیقی پروگرام منسوخ کردیا
ریڈ زون کی تعین
پولیس حکام کے مطابق ریڈ زونز کا تعین ماضی میں پتنگ بازی کے باعث پیش آنے والے جان لیوا واقعات کے پیش نظر کیا گیا ہے۔ حکام کا کہنا ہے کہ پتنگوں اور ڈور کی ترسیل کے لیے خصوصی اجازت نامہ لازم ہوگا۔
یہ بھی پڑھیں: بھارتی حکومت شوبز انڈسٹری پر آمر بن کر بیٹھ گئی ہے، شرم آنی چاہیے: آغا علی
حفاظتی اقدامات
شہریوں کو موٹر سائیکلوں پر تیز دھار ڈور سے بچاؤ کے لیے حفاظتی آہنی فریم لگانے کی اجازت بھی دی جائے گی۔
یہ بھی پڑھیں: امریکی صدر ٹرمپ نے بھارت کو ٹیرف بڑھانے کی دھمکی دے دی
پتنگ بازی پر پابندی
واضح رہے کہ اس وقت پتنگ بازی پر مکمل پابندی عائد ہے، اور پنجاب حکومت کی جانب سے باضابطہ نوٹیفکیشن جاری ہونے کے بعد ہی اس کی اجازت دی جائے گی۔
یہ بھی پڑھیں: اداکارہ منسا ملک نے علیزے شاہ کو ہتک عزت کا قانونی نوٹس بھجوا دیا
مانیٹرنگ کے اقدامات
سخت نگرانی کے لیے سیف سٹی منصوبے کے تحت نصب سی سی ٹی وی کیمروں سے 24 گھنٹے مانیٹرنگ کی جائے گی۔
مقصد
ان اقدامات کا مقصد بسنت کی تقریبات کو محدود اور محفوظ انداز میں ممکن بنانا اور شہریوں کی جان و مال کا تحفظ یقینی بنانا ہے۔
