بھارت، ایک اور معروف اداکارہ کے ساتھ ہجوم کی بدسلوکی، ویڈیو وائرل

سماجی تقریبات میں بدسلوکی

نئی دہلی (ویب ڈیسک) بھارت میں معروف اداکارہ سمانتھا رتھ پربھو کے ساتھ تقریب کے دوران بدسلوکی کی ویڈیو وائرل ہوگئی۔

یہ بھی پڑھیں: بابا گورو نانک کے 556 ویں جنم دن کی تقریبات کا آج سے آغاز

اداکاراؤں کا ہجوم کی جانب بدتمیزی

بھارت میں مداحوں کی جانب سے فنکاروں کے ساتھ بدتمیزی کرنا کوئی نئی بات نہیں۔ تاہم ان دنوں ہجوم کی جانب سے خاص طور پر اداکاراؤں کو گھیر کر ان کی جان خطرے میں ڈالے جانے کے واقعات مسلسل رونما ہو رہے ہیں۔ چند روز قبل، بھارتی اداکارہ ندھی اگروال کو مداحوں نے گھیر لیا تھا جب وہ تقریب سے واپسی پر اپنی گاڑی کی جانب جارہی تھیں۔

یہ بھی پڑھیں: اقوام متحدہ نے ہانیہ عامر کو پاکستان کے لیے خواتین کی خیرسگالی کی سفیر مقرر کردیا

اداکارہ کا گاڑی تک پہنچنے کا مشکل سفر

اس دوران، ان کے لیے چند قدم کا فاصلہ طے کرنا انتہائی مشکل ہوگیا، البتہ ان کے گارڈز نے بہادری کے ساتھ اداکارہ کو گاڑی تک بحفاظت پہنچانے میں اہم کردار ادا کیا۔ سوشل میڈیا پر ایک اور ویڈیو وائرل ہورہی ہے جس میں نامور بھارتی اداکارہ سمانتھا رتھ پربھو کو بھی اسی قسم کی ہراسانی کا سامنا کرنا پڑا۔

یہ بھی پڑھیں: جنوبی وزیرستان میں مبینہ ڈرون حملہ، 23 افراد زخمی، 4 کی حالت تشویشناک

ھراسانی کا واقعہ

اداکارہ حیدرآباد میں ایک آؤٹ لیٹ کی افتتاحی تقریب میں شریک تھیں، جہاں سے واپسی پر مداحوں نے انہیں گھیر لیا اور اس دوران انہیں ہراسانی کا سامنا کرنا پڑا، تاہم ان کے سیکیورٹی گارڈ کسی طرح انہیں گاڑی تک لے جانے میں کامیاب ہو جاتے ہیں۔

سوشل میڈیا پر تنقید

دوسری جانب، سوشل میڈیا پر صارفین کی جانب سے مداحوں کے اس حرکت پر شدید تنقید کی جارہی ہے، صارفین نے کہا ہے کہ مداح یہ کیوں نہیں سجھتے کہ اداکار بھی انسان ہوتے ہیں اور وہ اپنی حدود کا تعین کیوں نہیں کرتے۔