متنازع ٹوئٹ کا کیس، سماعت کے دوران پراسیکوشن اور ایمان مزاری کے شوہر کے درمیان تلخی، ہاتھا پائی کی کوشش

سماعت کے دوران تناؤ کی صورتحال

اسلام آباد (ویب ڈیسک) ایمان مزاری، ہادی علی چٹھہ کے خلاف متنازع ٹوئٹس کیس کی سماعت کے دوران پراسیکوشن اور ایمان مزاری کے شوہر ہادی علی چٹھہ کے درمیان تلخ جملوں کے تبادلے کے بعد عدالت کے اندر ہاتھا پائی کی کوشش کی گئی جس کے بعد پولیس نے بیچ بچاؤ کروایا، جج افضل مجوکا نے کہا کہ پراسیکوشن کو اپنے الفاظ پر معافی مانگنی چاہیئے، اگر کسی سوال پر اعتراض ہے تو عدالت کو بتائیں۔

یہ بھی پڑھیں: فیلڈ مارشل سید عاصم منیر کے اعزاز میں یادگار شہدا پر خصوصی تقریب، گارڈ آف آنر پیش کیا گیا۔

جج کا فیصلہ اور سماعت کی تفصیلات

ایڈیشنل ڈسٹرکٹ اینڈ سیشن جج افضل مجوکا نے کیس پر سماعت کی، نائب قاصد این سی سی آئی اے افضل پر ایمان مزاری اور ہادی علی چٹھہ کی جرح مکمل ہوگئی۔ جج افضل مجوکا نے کہا کہ ایمان مزاری بھی گواہ پر اپنی جرح کرلیں، ایک گواہ کو بار بار نہیں بلایا جاسکتا۔

یہ بھی پڑھیں: اگر امریکہ جنگ میں شامل ہوا تو خلیج کا کیا حشر ہوگا؟ کنگز کالج لندن کے پروفیسر نے منظر کشی کردی

ہادی علی چٹھہ کا مؤقف

ہادی علی چٹھہ نے مؤقف اپناتے ہوئے کہا کہ ایمان کے وکیل آج موجود نہیں، جج افضل مجوکا نے کہا کہ ایک گواہ پر دونوں ملزمان کی جانب سے جرح مکمل ہوگی تو پھر دوسرے گواہ پر جرح ہوگی۔

یہ بھی پڑھیں: جنوبی وزیرستان اور لکی مروت میں سیکیورٹی فورسز کے آپریشنز ، 8 خوارج جہنم واصل ، 2 گرفتار

ایمان مزاری کی درخواست

ایمان مزاری نے کہا کہ میرے وکیل فیصل صدیقی جرح کریں گے، انہوں نے بھی گواہ افضل پر ہادی علی چٹھہ کی جانب سے کی گئی جرح اڈاپٹ کر لی اور کہا کہ جج صاحب ہمارا احتجاج بھی نوٹ کر لیں کہ میرے وکیل کو جرح کا موقع نہیں دیا گیا، جج افضل مجوکا نے کہا کہ آپ کا اختلاف بھی لکھ دیا ہے۔

یہ بھی پڑھیں: پرویز الہٰی سمیت تمام ملزمان پر فرد جرم عائد کرنے کی تاریخ مقرر

جراح اور کشیدگی کا واقعہ

این سی سی آئی اے کے دوسرے گواہ وسیم پر ایمان مزاری اور ہادی علی چٹھہ نے جرح کی، اس دوران پراسیکوشن اور ہادی علی چٹھہ کے درمیان تلخ جملوں کا تبادلہ ہوا۔ پراسیکوشن کی جانب سے ہادی علی چٹھہ کے لیے بکواس کے الفاظ استعمال کرنے پر عدالتی ماحول میں کشیدگی ہوئی۔