اداکارہ سربھی چندنا نے کرن شرما سے شادی کے 6 مہینے بعد خاموشی توڑ دی

سربھی چندنا کی شادی اور محبت کی داستان

ممبئی (ویب ڈیسک) انڈین ٹی وی اداکارہ سربھی چندنا نے اس سال اپنے بوائے فرینڈ کرن شرما کے ساتھ شادی کی تھی۔ دونوں نے شادی سے قبل 13 سال ڈیٹ کی تھی تاہم اب انہوں نے اپنے احساسات کا کھل کر اظہار کر دیا ہے۔

یہ بھی پڑھیں: 48 سالہ رندیپ ہوڈا نے دیر سے شادی کرنے کی وجہ بتادی

پہلی ملاقات اور محبت کی شروعات

میڈیا رپورٹ کے مطابق سربھی اور کرن نے اس شو میں بتایا کہ ان کی پہلی ملاقات کیسے ہوئی تھی اور انہیں کیسے ایک دوسرے سے پیار ہو گیا تھا؟ کرن نے بتایا کہ انہوں نے پہلے اداکارہ کو سوشل میڈیا پلیٹ فارم پر تلاش کیا اور پھر انہیں میسیج کر ڈالا۔ اس کے بعد دونوں نے اپنے ’بی بی پن‘ (بلیک بیری پن’) کا تبادلہ کیا اور ان کی میسنجر پر چیٹنگ کا سلسلہ شروع ہوگیا۔ اسی طرح سربھی کی کرن سے پہلی ملاقات ان کی سالگرہ پر ہوئی تھی، جہاں اداکارہ ان کو دیکھتے ہی دل دے بیٹھی۔

یہ بھی پڑھیں: وفاقی کابینہ کا اجلاس دو مرتبہ تاخیر کا شکار ہونے کے بعد ملتوی کر دیا گیا

رشتے کی مشکلات اور شادی کی حقیقت

کرن کا کہنا تھا کہ ان دونوں نے کبھی اپنے رشتے کی منصوبہ بندی نہیں کی تھی۔ یہ سب خودبخود اور اچانک ہو گیا تھا، اور چیزیں اسی طرح آگے بڑھتی رہیں۔

یہ بھی پڑھیں: ٹرمپ نے اسرائیلی یرغمالیوں کی رہائی کیلئے حماس کو آخری وارننگ دے دی

13 سال کا ساتھ

سربھی نے انکشاف کیا کہ شادی سے تقریباً 13 سال تک انہوں نے کرن شرما کو ڈیٹ کیا تھا۔ جب ان سے لوگوں نے سوال پوچھا کہ اتنے لمبے عرصے تک ان کا رشتہ کیسے چلا؟ ان کا جواب تھا کہ یہ اتنا آسان نہیں تھا بلکہ اس رشتے کو سنبھالنا بہت مشکل تھا اور شادی کے بعد زندگی کے اس نئے سفر پر چلنا اور بھی زیادہ مشکل ہے۔

یہ بھی پڑھیں: مفتاح اسماعیل نے ’’کرپٹو مخالف بیانیہ‘‘ کیوں اپنایا، اربوں روپے کہاں گئے، پریس کانفرنس میں کیا کچھ چھپانے کی کوشش کی۔۔۔؟ تہلکہ خیز انکشافات

شادی کے بعد کی تبدیلیاں

اداکارہ کا کہنا تھا کہ یہ سب کچھ اتنا آسان نہیں ہوتا ہے، جتنا نظر آتا ہے۔ اگر آپ کو معلوم ہو کہ یہ رشتہ آپ کے لیے صحیح ہے تو پھر اسے نبھانے کے لیے آپ کو اور زیادہ محنت کرنی پڑتی ہے۔ یہی سب کچھ ہمارے ساتھ ہو رہا ہے۔ ان کا کہنا تھا کہ شادی نے انہیں اور کرن کو بطور شخص بدل دیا ہے، کیونکہ آپ کو کسی بھی رشتے کو مضبوط بنانے کے لیے کوشش کرنی ہوتی ہے۔