مسجد نبویﷺ کے موذن شیخ فیصل نعمان انتقال کر گئے
انتقال کی خبر
مدینہ منورہ(ڈیلی پاکستان آن لائن)مسجد نبویﷺ کے مؤذن شیخ فیصل نعمان پیر کی شام انتقال کر گئے۔
یہ بھی پڑھیں: آئندہ ماہ کے امریکی صدارتی الیکشن پرکتنی رقم خرچ ہوگی ؟
نمازِ جنازہ اور تدفین
ان کی نمازِ جنازہ گزشتہ روز بعداز نمازِ فجر ادا کی گئی جبکہ انہیں مدینہ منورہ کے تاریخی جنت البقیع قبرستان میں سپردِ خاک کیا گیا۔
یہ بھی پڑھیں: آج چوتھی بار وزیراعلیٰ خیبرپختونخوا کو اڈیالہ جیل میں بانی عمران خان سے ملاقات سے روکا گیا،سلمان اکرم راجا
تفصیلات
سماجی رابطے کی ویب سائٹ ایکس پر حرمین شریفین انتظامیہ کی جانب سے پوسٹ شیئر کرتے ہوئے بتایا گیا کہ شیخ فیصل نعمان کا انتقال بروز پیر، 22 دسمبر کو ہوا۔ ان کی نمازِ جنازہ 23 دسمبر کو بعداز نمازِ فجر مسجد نبویﷺ میں ادا کرنے کے بعد انہیں جنت البقیع قبرستان میں سپردِ خاک کیا گیا۔
یہ بھی پڑھیں: وزیراعظم شہبازشریف 2روزہ دورے پر سعودی عرب روانہ ہو گئے
آخری اذان کی یاد
It is with sadness that we share the news of the death of the Muadhin of Masjid An Nabawi Sheikh Faisal bin Abdul Malik Nauman who passed away this evening
انا لله وانا اليه راجعون pic.twitter.com/MmRUdUYmvI
— Inside the Haramain (@insharifain) December 22, 2025
ان سائیڈ حرمین کی جانب سے سوشل میڈیا پرشیخ فیصل نعمان کی جانب سے دی جانے والی آخری اذان کی ویڈیو بھی شیئر کی گئی ہے، جو انہوں نے 2 نومبر کو دی تھی۔
Last Adhan raised by Sheikh Faisal Nouman رحمه الله in Masjid An Nabawi on 11 Jumada Al Awwal 1447 | 2nd November 2025 pic.twitter.com/WzM5MwRh21
— Inside the Haramain (@insharifain) December 22, 2025
یہ بھی پڑھیں: قائداعظم یونیورسٹی پاکستان کی نمبرون یونیورسٹی قرار
شیخ فیصل نعمان کا پس منظر
حرمین شریفین انتظامیہ کے مطابق شیخ فیصل نعمان کو 2001 میں مسجد نبویﷺ کا مؤذن مقرر کیا گیا تھا۔ اذان دینا مؤذن کے خاندان کی روایت رہی ہے۔ ان کے والد اور دادا بھی مسجد نبویﷺ میں مؤذن کے فرائض انجام دے چکے ہیں۔
یہ بھی پڑھیں: پردیس میں اپنی پہچان سے جڑی محبت میں منعقدہ “سندھی کلچرل ڈے” تقریب نے دل جیت لیے
خاندانی روایت
Sheikh Faisal Nouman رحمه الله was appointed as a Muadhin of Masjid an-Nabawi in the year 1422 AH (2001 CE), joining the noble ranks of those entrusted with raising the call to prayer from the Mosque of the Messenger of Allah ﷺ. He belonged to a distinguished household whose… pic.twitter.com/7cZwLwFPhg
— Inside the Haramain (@insharifain) December 22, 2025
والد کا عہد
انتظامیہ کے مطابق شیخ فیصل کے والد کو صرف 14 سال کی عمر میں مؤذن مقرر کیا گیا تھا۔ انہوں نے آخری وقت تک مسجد نبویﷺ میں اپنی خدمات انجام دیں۔ ان کا انتقال 90 سے زائد عمر میں ہوا تھا۔ والد کے انتقال کے بعد شیخ فیصل نے یہ فریضہ سنبھالا اور 25 برس تک خدمات انجام دیں۔
