اسلام آباد کی فضائی حدود عارضی طور پر بند، نوٹم جاری

اسلام آباد میں فضائی حدود کی بندش

اسلام آباد (ڈیلی پاکستان آن لائن) وفاقی دارالحکومت میں کل فضائی حدود عارضی طور پر بند رہے گی، اس حوالے سے نوٹم بھی جاری کردیا گیا۔

یہ بھی پڑھیں: شاہ محمود قریشی کا بری ہونا کوئی اچنبھے کی بات نہیں، جس کسی نے ان پر ۹ مئی کا کیس بنایا ہے وہ کوئی بیوقوف آدمی تھا، حامد میر کا تبصرہ

پروازوں پر اثرات

پی اے اے کے مطابق اسلام آباد ایئرپورٹ پر پروازوں کی آمد و روانگی متاثر ہوگی، کل مخصوص اوقات میں اسلام آباد ایئرپورٹ پر پروازیں معطل رہیں گی۔

معطلی کے مخصوص اوقات

نوٹم میں کہا گیا ہے کہ اسلام آباد ایئرپورٹ پر کل صبح 10 بجکر 55 منٹ سے 11 بجکر 55 منٹ تک پروازیں معطل رہیں گی۔ اسی طرح کل دوپہر 2 بجکر 25 منٹ سے 3 بجکر 25 منٹ تک بھی پروازیں معطل رہیں گی۔