اسلام آباد میں چینی خاتون کی عمارت کی چھت سے کود کر مبینہ خود کشی
چینی خاتون کی خودکشی کا واقعہ
اسلام آباد (ڈیلی پاکستان آن لائن) جی ایٹ کے علاقے میں ایک چینی خاتون نے مبینہ طور پر عمارت کی چھت سے چھلانگ لگا کر خود کشی کی۔
یہ بھی پڑھیں: قومی کرکٹ ٹیم کے کھلاڑیوں کی ٹینس کھیلنے کی ویڈیو وائرل
واقعے کی تفصیلات
ایکسپریس نیوز کے مطابق ذرائع نے بتایا کہ چینی لڑکی، وان رو پینگ، جی ایٹ میں رہائشی عمارت کی چھت سے گرنے کے بعد جاں بحق ہوئی۔ ذرائع نے مزید بتایا کہ اس نے مبینہ طور پر خودکشی کی ہے۔ چھت سے گرنے کی وجہ سے اس کے سر میں چوٹ آئی تھی۔
وزٹ ویزا پر آمد
چینی خاتون سے متعلق مزید معلومات ملی ہیں کہ وان رو پینگ وزٹ ویزا پر پاکستان آئی ہوئی تھی۔ اسلام آباد پولیس نے چینی خاتون کی لاش اسپتال منتقل کر دی ہے اور اس واقعے کی مزید تحقیقات جاری ہیں۔
