حکومت سے مذاکرات میں بانی پی ٹی آئی کی رہائی یا کیسز کے خاتمے کے مطالبہ نہیں کریں گے، مصطفی نواز کھوکھر

مصطفیٰ نواز کھوکھر کا بیان

اسلام آباد(ڈیلی پاکستان آن لائن) اپوزیشن اتحاد کے مرکزی رہنما اور سابق سینیٹر مصطفیٰ نواز کھوکھر نے کہا ہے کہ حکومت سے مذاکرات میں بانی پی ٹی آئی کی رہائی یا کیسز کے خاتمے کے مطالبہ نہیں کریں گے۔

یہ بھی پڑھیں: پاکستان کو ترکیہ، سعودی عرب اور امریکا کے ساتھ تعاون بڑھانا چاہیے، مفتی منیب الرحمان

مذاکرات کے لیے تیاری

جیو نیوز کے پروگرام آج شاہزیب خانزادہ کے ساتھ میں گفتگو کے دوران مصطفیٰ نواز کھوکھر نے کہا کہ ہم ڈائیلاگ کے لیے تیار ہیں، ہم سمجھتے ہیں کہ مذاکرات کا دروازہ بند نہیں ہونا چاہیے۔

یہ بھی پڑھیں: وہ آدمی جس نے ایک ہفتہ پہلے ہی رافیل طیارے کو چینی میزائل سے گرائے جانے کی پیشنگوئی کردی تھی

وزیراعظم کی گفتگو کی اہمیت

انہوں نے کہا کہ وزیراعظم کی گفتگو اور بیان کو ہم نے سنجیدگی سے لیا ہے، پی ٹی آئی سمیت تمام اتحادی جماعتوں کو مشاورت میں شامل کیا ہے۔

یہ بھی پڑھیں: صرف پنجاب میں 46لاکھ سے زائد افراد متاثر ہوئے، بحالی تک کام جاری رکھیں گے :الخدمت فاؤنڈیشن

محمود خان اچکزئی کا بیان

اپوزیشن اتحاد کے مرکزی رہنما نے مزید کہا کہ محمود خان اچکزئی کہہ چکے ہیں کہ اگر حکومت سنجیدہ ہے تو بانی پی ٹی آئی کے دستخط وہ لیں گے۔

آئینی مذاکرات کی تیاری

اُن کا کہنا تھا کہ مذاکرات میں بانی پی ٹی آئی کی رہائی یا کیسز کے خاتمے کا مطالبہ نہیں کریں گے، حکومت آگے بڑھے گی تو نئے مرحلے کا ہم سوچیں گے۔ مصطفیٰ نواز کھوکھر نے یہ بھی کہا کہ آئین اور نئے میثاق پر حکومت سے بات چیت کے لیے تیار ہیں۔