کارپوریٹ ٹیکس آفس لاہور کی کارروائی، دو ارب 64 کروڑ روپے کے ٹیکس واجبات وصول

لاہور میں بڑی ٹیکس ریکوری

لاہور(ڈیلی پاکستان آن لائن)کارپوریٹ ٹیکس آفس لاہور  نے کارروائی کے دوران 2.646 ارب روپے کی ریکوری کی ہے۔

یہ بھی پڑھیں: وفاقی محتسب نے ای او بی آئی سے نان رجسٹرڈ کمپنیوں کی تفصیلات مانگ لیں

ریکوری کی تفصیلات

نجی ٹی وی سما نیوز کے مطابق ایف بی آر کی جانب سے جاری بیان کے مطابق یہ ریکوری انکم ٹیکس واجب الادا رقم سے متعلق ہے جو ایک ایسے ٹیکس دہندہ کے خلاف قائم کی گئی تھی جو اپنی قانونی ذمہ داریاں پوری کرنے میں ناکام رہا تھا اور یہ رقم تشخیصی کارروائی کی کامیاب تکمیل کے بعد متعین کی گئی۔

یہ بھی پڑھیں: نواب شاہ؛ جرائم پیشہ افراد سے مقابلے میں پولیس وین الٹنے سے زخمی مزید 2 اہلکار جاں بحق ہو گئے، تعداد 3 ہو گئی

پیشہ ورانہ حکمت عملی

کارپوریٹ ٹیکس آفس لاہور نہ صرف ایک ہی کیس میں بھاری مالیت کا ٹیکس ڈیمانڈ قائم کیا بلکہ تمام قانونی تقاضوں کو پیشہ وارانہ انداز میں اور ٹیکس قوانین کی متعلقہ دفعات کے عین مطابق پورا کرتے ہوئے اس کی ریکوری بھی یقینی بنائی۔

یہ بھی پڑھیں: آزاد جموں و کشمیر کا 77 واں یوم تاسیس آج، 21 توپوں کی سلامی، خصوصی دعا ئیں، نعرے

حقیقت کی عکاسی

یہ ریکوری فیڈرل بورڈ آف ریونیو اور اس کی فیلڈ فارمیشنز کی اعلیٰ مالیت کے مقدمات کو مؤثر انداز میں نمٹانے اور سرکاری محاصل کے تحفظ میں پیشہ ورانہ صلاحیت اور مؤثریت کی عکاس ہے۔

یہ بھی پڑھیں: شاہینوں نے کینگروز کو انہی کی سرزمین پر ہرا کر تاریخ رقم کردی، وزیر اعلیٰ کی قومی کرکٹ ٹیم کو مبارکباد

ایف بی آر کا عزم

ترجمان ایف بی آر نے بتایا کہ کارروائی سے ٹیکس نادہندگی کے سنگین معاملات سے نمٹنے کے لیے ایف بی آر کے مضبوط مؤقف کی عکاسی ہورہی ہے اور اس عمل میں قانونی تقاضوں اور انصاف کو بھی یقینی بنایا گیا۔

افسران کے کردار کی تعریف

ممبر ان لینڈریونیوآپریشنز نے سی ٹی او لاہور کے افسران کی ٹیکس قوانین کے نفاذ اور عوامی محاصل کے تحفظ کے لیے کی جانے والی انتھک کاوشوں کو سراہا۔ ایف بی آر نے رضاکارانہ تعمیل کو فروغ دینے کے عزم کا اعادہ کرتے ہوئے اس بات پر بھی زور دیا کہ عدم تعمیل کے خلاف فیصلہ کن کارروائیاں جاری رکھی جائیں گی۔