کارپوریٹ ٹیکس آفس لاہور کی کارروائی، دو ارب 64 کروڑ روپے کے ٹیکس واجبات وصول

لاہور میں بڑی ٹیکس ریکوری

لاہور(ڈیلی پاکستان آن لائن)کارپوریٹ ٹیکس آفس لاہور  نے کارروائی کے دوران 2.646 ارب روپے کی ریکوری کی ہے۔

یہ بھی پڑھیں: کراچی میں موسلادھار بارش کے دوران کرنٹ لگنے سے 3 افراد جاں بحق

ریکوری کی تفصیلات

نجی ٹی وی سما نیوز کے مطابق ایف بی آر کی جانب سے جاری بیان کے مطابق یہ ریکوری انکم ٹیکس واجب الادا رقم سے متعلق ہے جو ایک ایسے ٹیکس دہندہ کے خلاف قائم کی گئی تھی جو اپنی قانونی ذمہ داریاں پوری کرنے میں ناکام رہا تھا اور یہ رقم تشخیصی کارروائی کی کامیاب تکمیل کے بعد متعین کی گئی۔

یہ بھی پڑھیں: انڈیا کے زیر انتظام کشمیر میں حج پر جانے والے افراد کی تعداد میں ریکارڈ کمی: خرچ کا سن کر لوگ اپنا فارم واپس لینے پر مجبور ہوگئے

پیشہ ورانہ حکمت عملی

کارپوریٹ ٹیکس آفس لاہور نہ صرف ایک ہی کیس میں بھاری مالیت کا ٹیکس ڈیمانڈ قائم کیا بلکہ تمام قانونی تقاضوں کو پیشہ وارانہ انداز میں اور ٹیکس قوانین کی متعلقہ دفعات کے عین مطابق پورا کرتے ہوئے اس کی ریکوری بھی یقینی بنائی۔

یہ بھی پڑھیں: اگر عمران خان کی بینائی کو خدانخواستہ مستقل نقصان ہوا، تو ملک اس کی بھاری قیمت ادا کرے گا، اسد عمر

حقیقت کی عکاسی

یہ ریکوری فیڈرل بورڈ آف ریونیو اور اس کی فیلڈ فارمیشنز کی اعلیٰ مالیت کے مقدمات کو مؤثر انداز میں نمٹانے اور سرکاری محاصل کے تحفظ میں پیشہ ورانہ صلاحیت اور مؤثریت کی عکاس ہے۔

یہ بھی پڑھیں: جیو کی نشریات ہیک، پاک فوج کے خلاف پیغام نشر، انتظامیہ کا کوئی تعلق نہیں، ایم ڈی کی وضاحت

ایف بی آر کا عزم

ترجمان ایف بی آر نے بتایا کہ کارروائی سے ٹیکس نادہندگی کے سنگین معاملات سے نمٹنے کے لیے ایف بی آر کے مضبوط مؤقف کی عکاسی ہورہی ہے اور اس عمل میں قانونی تقاضوں اور انصاف کو بھی یقینی بنایا گیا۔

افسران کے کردار کی تعریف

ممبر ان لینڈریونیوآپریشنز نے سی ٹی او لاہور کے افسران کی ٹیکس قوانین کے نفاذ اور عوامی محاصل کے تحفظ کے لیے کی جانے والی انتھک کاوشوں کو سراہا۔ ایف بی آر نے رضاکارانہ تعمیل کو فروغ دینے کے عزم کا اعادہ کرتے ہوئے اس بات پر بھی زور دیا کہ عدم تعمیل کے خلاف فیصلہ کن کارروائیاں جاری رکھی جائیں گی۔