قائد اعظم کے رہنما اصول آج بھی پاکستان کا روشن مستقبل ہیں: عظمیٰ بخاری

قائد اعظم محمد علی جناح کی یوم ولادت کی مبارکباد

لاہور( ڈیلی پاکستان آن لائن ) وزیر اطلاعات و ثقافت پنجاب عظمٰی بخاری نے بانیٔ پاکستان قائد اعظم محمد علی جناح کے یومِ ولادت کے موقع پر پوری قوم کو مبارکباد دیتے ہوئے کہا ہے کہ قائد اعظمؒ کی ولولہ انگیز قیادت، سیاسی بصیرت اور اصولی جدوجہد کی بدولت ہمیں آزاد اور خودمختار وطن کی نعمت ملی۔ ان کے ایمان، اتحاد اور تنظیم کے اصول آج بھی پاکستان کی تعمیر و ترقی کا لازوال راستہ ہیں۔

یہ بھی پڑھیں: طلبا و طالبات کے لیے خوشخبری، وزیراعظم یوتھ لیپ ٹاپ سکیم کی رجسٹریشن کا آغاز ہوگیا

آزادی اور خودمختاری کا تحفہ

انہوں نے کہا کہ پاکستان قائد اعظم کا احسان عظیم ہے، آج ہم جس آزادی اور خود مختاری کے ساتھ سانس لے رہے ہیں وہ انہی کی بے مثال جدوجہد کا ثمر ہے، آئیں اس نعمت کی قدر کریں اور ملک کی ترقی کے لیے متحد ہوں۔

یہ بھی پڑھیں: میری یہ سوچ 1960-61ء کے دور کی ہے، ملک میں مارشل لائی دور تھا، یوتھ موومنٹ میں سینئر لوگ تھے جنہوں نے تحریک پاکستان میں بہت کام کیا تھا۔

میاں محمد نواز شریف کی سالگرہ

عظمٰی بخاری نے قائد مسلم لیگ (ن) میاں محمد نواز شریف کی سالگرہ کے موقع پر دلی مبارکباد پیش کرتے ہوئے کہا کہ دعا ہے اللہ پاک میاں نواز شریف کو صحت و تندرستی کے ساتھ دراز عمر عطا فرمائے۔ نواز شریف کی زیر قیادت ملک ترقی و خوشحالی کی نئی منازل طے کرتا رہے۔

یہ بھی پڑھیں: دھی رانی پروگرام کا تیسرا مرحلہ، خانیوال میں 127 مسلمان اور 10 مسیحی جوڑوں کی اجتماعی شادی کی تقریب

مسیحی برادری کے لیے کرسمس کی مبارکباد

وزیر اطلاعات پنجاب نے دنیا بھر میں بسنے والی مسیحی برادری کو کرسمس کی مبارکباد دیتے ہوئے کہا کہ وزیراعلیٰ پنجاب مریم نواز اقلیتوں کے حقوق، مذہبی آزادی اور بین المذاہب رواداری کو اپنی ترجیحات میں سرفہرست رکھتی ہیں۔ اقلیتیں وزیر اعلیٰ مریم نواز کے لیے سر کا تاج ہیں، پنجاب حکومت انہیں یکساں مواقع، تحفظ اور عزت فراہم کرنے کے لیے عملی اقدامات کر رہی ہے۔ وزیراعلیٰ پنجاب کی خصوصی ہدایات پر تاریخ میں پہلی بار صوبے بھر میں شاندار چراغاں اور سجاوٹ کا خصوصی اہتمام کیا گیا ہے، جبکہ لبرٹی چوک پر 42 فٹ بلند کرسمس ٹری مسیحی برادری سے وزیراعلیٰ کی محبت اور یکجہتی کا عکاس ہے۔

قائد اعظم کے پاکستان کی عملی تعبیر

آخر میں وزیر اطلاعات نے اس عزم کا اظہار کیا کہ وزیراعلیٰ پنجاب مریم نواز قائد اعظم کے پاکستان کی عملی تعبیر کے لیے مسلسل کوشاں ہیں، ہم اتحاد، یقین اور نظم کے ساتھ آگے بڑھیں گے اور پاکستان کو ترقی و خوشحالی کا مضبوط مستقبل دیں گے۔