گورنر سندھ نے حکومت کی پی ٹی آئی سے بات چیت نہ کرنے کا مشورہ دے دیا

گورنر سندھ کا پی ٹی آئی سے مذاکرات نہ کرنے کا مشورہ

کراچی(ڈیلی پاکستان آن لائن) گورنر سندھ کامران خان ٹیسوری نے حکومت کو پاکستان تحریک انصاف (پی ٹی آئی) سے بات چیت نہ کرنے کا مشورہ دیتے ہوئے کہا ہے کہ ایسے عناصر سے مذاکرات نہیں ہونے چاہئیں جو پاکستان کی ترقی میں رکاوٹ بن رہے ہیں۔

یہ بھی پڑھیں: وقت ختم: پی ٹی آئی رہنماؤں کو بانی سے ملاقات کی اجازت نہ ملی

قائد اعظم کے مزار پر حاضری

گورنر سندھ کامران خان ٹیسوری نے بانی پاکستان قائد اعظم محمد علی جناح کے مزار پر حاضری کے بعد میڈیا سے گفتگو کرتے ہوئے کہا کہ پی ٹی آئی کے دوست خود مذاکرات کو نہیں مانتے۔ جبکہ اڈیالہ میں بیٹھا شخص آج بھی غرور کا مظاہرہ کر رہا ہے اور اسلام آباد پر چڑھائی کے خواب دیکھ رہا ہے۔

یہ بھی پڑھیں: کونسے اہم قومی کھلاڑی سینٹرل کنٹریکٹ حاصل نہ کر سکے؟

معاشی میدان میں پاکستان کی تیاری

انہوں نے کہا کہ جس طرح پاکستان نے بھارت کے خلاف جنگ میں کامیابی حاصل کی، اسی طرح معیشت کی جنگ بھی جیت لے گا۔ معرکہ معیشت کے لیے ہم مکمل طور پر تیار ہیں۔ جبکہ اس وقت پاکستان خطے کا ایک اہم ترین ملک بن چکا ہے۔

یہ بھی پڑھیں: بھارتی بزدلانہ حملے میں شہید اور زخمی ہونیوالے معصوم بچوں اور بے گناہ شہریوں کیلئے امدادی پیکج جاری

سعودی عرب میں پاکستان کا کردار

کامران ٹیسوری نے کہا کہ پاکستان سعودی عرب میں محافظ کا کردار ادا کر رہا ہے۔ اور فیلڈ مارشل جنرل عاصم منیر کی دوٹوک پالیسیوں نے پاکستان کو عالمی سطح پر اہم مقام دلایا۔ بہترین عسکری حکمت عملی کے باعث دنیا میں پاکستان کا اعتماد بحال ہوا ہے۔

قومی ایئر لائن کی نجکاری

انہوں نے کہا کہ قومی ایئر لائن (پی آئی اے) کی نجکاری کا عمل گیم چینجر ثابت ہو سکتا ہے۔ اور دو دہائیوں بعد نجکاری کا عمل شفاف انداز میں ہوتا ہوا نظر آ رہا ہے۔