عمران خان نے تمام اختیارات محمود اچکزئی اور علامہ راجہ ناصر عباس کو دیے ہیں، ان کو کوئی بھی فیصلہ مفاہمت یا مزاحمت ہم تسلیم کریں گے، سہیل آفریدی

وزیر اعلیٰ خیبر پختونخوا کی پریس کانفرنس

خیبر (ڈیلی پاکستان آن لائن) وزیر اعلیٰ خیبر پختونخوا سہیل آفریدی نے کہا ہے کہ میرے خلاف منظم پروپیگنڈا کیا گیا، تاہم مخالفین اس میں ناکام رہے۔

یہ بھی پڑھیں: یو اے ای: خاتون کو چکما دیکر ایک لاکھ 95 ہزار درہم چوری کرنے والے چور 3 گھنٹے میں گرفتار

تحصیل باڑہ اور جمرود کا دورہ

وزیر اعلیٰ خیبرپختونخوا سہیل آفریدی نے تحصیل باڑہ اور جمرود کا دورہ کیا۔ وہ جمرود میں دل کی مریضہ زینب بچی کے گھر گئے اور اس سے ملاقات کی۔ دل کی مریضہ زینب بچی کا علاج وزیر اعلیٰ سہیل آفریدی کی خصوصی ہدایت پر مفت کروایا گیا۔

یہ بھی پڑھیں: وزیر اعلیٰ مریم نواز نے سیلاب متاثرین کو عارضی قیام کے مناسب مقامات مہیا کرنے کا حکم دیدیا

عوامی مسائل سے آگاہی

اس موقع پر انہوں نے میڈیا سے گفتگو کرتے ہوئے کہا کہ دورے کے دوران عوامی مسائل سے آگاہی حاصل کی۔ ان کا کہنا تھا کہ ملٹری آپریشن پر کل جو مؤقف تھا آج بھی وہی مؤقف ہے۔ اس میں کسی تبدیلی کا سوال ہی پیدا نہیں ہوتا۔

یہ بھی پڑھیں: 15 ماہ کی حاملہ: بانجھ خواتین کو معجزاتی طریقوں سے حمل ٹھہرانے کا دھوکہ کیسے بے نقاب ہوا؟

پروپیگنڈا اور ترقیاتی منصوبے

انہوں نے کہا کہ میرے خلاف منظم پروپیگنڈا کیا گیا کہ میرا اسمگلروں سے تعلق ہے مگر وہ اس میں ناکام رہے۔ سہیل آفریدی نے کہا کہ قبائلی اضلاع کے ترقیاتی پیکیج پر جلد عملی کام کا آغاز ہو گا۔

یہ بھی پڑھیں: ایف آئی اے نے نیشنل سائبر کرائم ایجنسی کے ایڈیشنل ڈائریکٹر چوہدری سرفراز سمیت چار افسران کو گرفتار کرلیا

عمران خان کی سیاسی حکمت عملی

انہوں نے کہا کہ عمران خان نے تمام اختیارات محمود اچکزئی اور علامہ راجہ ناصر عباس کو دیا ہے، ان کو کوئی بھی فیصلہ مفاہمت اور یا مزاحمت ہم تسلیم کریں گے۔ وزیر اعلیٰ کے پی نے کہا عمران خان کی اسٹریٹ موومنٹ کی ہدایات پر اِسے ہم عروج پر لے جائیں گے۔

حکومتی رابطوں کی کمی

تیراہ سے نقل مکانی کے حوالے سے میرے ساتھ کسی سرکاری بندے نے رابطہ نہیں کیا۔