عمران خان نے تمام اختیارات محمود اچکزئی اور علامہ راجہ ناصر عباس کو دیے ہیں، ان کو کوئی بھی فیصلہ مفاہمت یا مزاحمت ہم تسلیم کریں گے، سہیل آفریدی

وزیر اعلیٰ خیبر پختونخوا کی پریس کانفرنس

خیبر (ڈیلی پاکستان آن لائن) وزیر اعلیٰ خیبر پختونخوا سہیل آفریدی نے کہا ہے کہ میرے خلاف منظم پروپیگنڈا کیا گیا، تاہم مخالفین اس میں ناکام رہے۔

یہ بھی پڑھیں: اسلام آباد میں سرکاری بس سروسز کا کرایہ دوبارہ 50 روپے مقرر، نوٹیفیکیشن جاری

تحصیل باڑہ اور جمرود کا دورہ

وزیر اعلیٰ خیبرپختونخوا سہیل آفریدی نے تحصیل باڑہ اور جمرود کا دورہ کیا۔ وہ جمرود میں دل کی مریضہ زینب بچی کے گھر گئے اور اس سے ملاقات کی۔ دل کی مریضہ زینب بچی کا علاج وزیر اعلیٰ سہیل آفریدی کی خصوصی ہدایت پر مفت کروایا گیا۔

یہ بھی پڑھیں: بھارتی خفیہ ایجنسی ’’را‘‘ کے ایجنٹس اب بھی بنگلہ دیش کے میڈیا، تعلیمی شعبے اور انتظامیہ میں سرگرم ہیں، تہلکہ خیز انکشاف

عوامی مسائل سے آگاہی

اس موقع پر انہوں نے میڈیا سے گفتگو کرتے ہوئے کہا کہ دورے کے دوران عوامی مسائل سے آگاہی حاصل کی۔ ان کا کہنا تھا کہ ملٹری آپریشن پر کل جو مؤقف تھا آج بھی وہی مؤقف ہے۔ اس میں کسی تبدیلی کا سوال ہی پیدا نہیں ہوتا۔

یہ بھی پڑھیں: اصل میں اختیار کس کا ہے۔۔۔

پروپیگنڈا اور ترقیاتی منصوبے

انہوں نے کہا کہ میرے خلاف منظم پروپیگنڈا کیا گیا کہ میرا اسمگلروں سے تعلق ہے مگر وہ اس میں ناکام رہے۔ سہیل آفریدی نے کہا کہ قبائلی اضلاع کے ترقیاتی پیکیج پر جلد عملی کام کا آغاز ہو گا۔

یہ بھی پڑھیں: کوہستان مالیاتی اسکینڈل، نیب نے گرفتار ملزمہ کی نشاندہی پر گھر میں چھپائے گئے 20 کروڑ روپے برآمد کرلیے

عمران خان کی سیاسی حکمت عملی

انہوں نے کہا کہ عمران خان نے تمام اختیارات محمود اچکزئی اور علامہ راجہ ناصر عباس کو دیا ہے، ان کو کوئی بھی فیصلہ مفاہمت اور یا مزاحمت ہم تسلیم کریں گے۔ وزیر اعلیٰ کے پی نے کہا عمران خان کی اسٹریٹ موومنٹ کی ہدایات پر اِسے ہم عروج پر لے جائیں گے۔

حکومتی رابطوں کی کمی

تیراہ سے نقل مکانی کے حوالے سے میرے ساتھ کسی سرکاری بندے نے رابطہ نہیں کیا۔